ក្លិបបិសាចក្រហម Manchester United របស់អង់គ្លេសបានទិញខ្សែប្រយុទ្ធអន្តរជាតិអាមេនៀ Henrikh Mkhitaryan ពីក្រុម Borussia Dortmund នៅក្នុងក្របខ័ណ្ឌកំពូល របស់អាល្លឺម៉ង់។

លោក Hans-Joachim Watzke នាយក ប្រតិបត្តិរបស់ក្លិប Borussia Dortmund បានឲ្យដឹងថា “Mkhitaryan បានបញ្ជាក់ថា គាត់ចង់ទៅចូលរួមក្រុម Man United។ ក្រោយពីពិភាក្សាគ្នាយ៉ាងល្អិតល្អន់យើងបានអនុញ្ញាតឲ្យគាត់ចាកចេញស្របពេលដែលបិសាចក្រហមក៏បានផ្តល់ប្រាក់ស័ក្តិសមសម្រាប់ពួកយើងផងដែរ ។ ប្រសិនបើ ពួកយើងបដិសេធសំណើទិញនេះកីឡាករ Mkhitaryan នឹងចាកចេញដោយគ្មានតម្លៃ ខ្លួនទេនៅឆ្នាំ២០១៧” ។

ខ្សែប្រយុទ្ធវ័យ២៧ឆ្នាំនេះបានស៊ុតបាល់បញ្ចូលទី២៣គ្រាប់ក្នុងការបង្ហាញខ្លួន៥២ ប្រកួតឲ្យក្រុម Borussia Dortmund។ គ្រូ បង្វឹកថ្មីរបស់បិសាចក្រហមលោក Jose Mourinho កំពុងតែមមាញឹកក្នុងការទិញ កីឡាករយកមកពង្រឹងក្រុមដើម្បីដណ្តើមជើងឯកនៅរដូវកាលក្រោយនេះ ។

ចាប់តាំងពីពេលចូលមកកាន់តំណែងជាគ្រូបង្វឹក លោក Jose Mourinho បានទិញ កីឡាករខ្សែការ ពារEric Bailly និងខ្សែ ប្រយុទ្ធជើងចាស់ Zlatan Ibrahimovic ហើយកីឡាករ Henrikh Mkhitaryan ជាកីឡាករទី៣ ៕

ដោយ៖ ដេវីត