ភ្នំពេញ៖ នគរបាលប៉ុស្តិ៍រដ្ឋបាលបឹងកក់២ សហការជាមួយកម្លាំងកងអនុសេនាតូចអន្តរាគមន៍ពិសេសនៃស្នងការដ្ឋាននគរបាលរាជធានីភ្នំពេញ បានធ្វើការឃាត់ខ្លួនជនសង្ស័យ០៣នាក់ រួមនិងម្សៅក្រាមពណ៌សថ្លា១កញ្ចប់តូចជាប់ខ្លួន ។
ការឃាត់ខ្លួននៅវេលាម៉ោង១០និង៣០នាទីយប់ថ្ងៃទី០៥ ខែកក្កដា ឆ្នាំ ២០១៦ នៅចំណុចផ្លូវរថភ្លើង ប្លុករោងចក្រឆ្នាំង ក្រុម១០៦ ភូមិ២៣ សង្កាត់បឹងកក់២ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីមន្រ្តីនគរបាលខណ្ឌទួលគោកបានឲ្យដឹងថា ជនសង្ស័យទាំង៣នាក់នោះទី១-ឈ្មោះ យ៉ាន វណ្ណី ហៅនី ភេទប្រុស អាយុ២២ ឆ្នាំ ស្នាក់នៅផ្ទះជួលលេខ ៤៤២ ផ្លូវជាតិ៥ សង្កាត់គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ ។ ទី២-ឈ្មោះ ប្រាក់ ហួន ហៅសីហា ភេទប្រុសអាយុ២១ ឆ្នាំ ស្នាក់នៅផ្ទះជួលលេខ១១B ផ្លូវជាតិ៥ សង្កាត់គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ និងទី៣-ឈ្មោះ នី ផានីនិត ហៅនិត ភេទប្រុស អាយុ១៩ ឆ្នាំ ស្នាក់នៅផ្ទះជួលលេខ ១៦ ផ្លូវជាតិលេខ៥ សង្កាត់គីឡូម៉ែត្រ៦ ខណ្ឌឫស្សី កែវ រាជធានីភ្នំពេញ អ្នកទាំងបីមានមុខរបរជាសន្តិសុខក្រុមហ៊ុនបោកគក់ជិនថៃ ។ វត្ថុតាងចាប់យករួមមាន ក្រាមពណ៌សថ្លា១កញ្ចប់តូច (សង្ស័យជាគ្រឿងញៀនម៉ាទឹកកក) ។
បច្ចុប្បន្នជនសង្ស័យទាំង០៣នាក់ខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីកសាងតាមនីតិវិធី ៕
ដោយ៖ ស ដារ៉ា
