ខ្សែប្រយុទ្ធសញ្ជាតិអាហ្សង់ទីន Carlos Tevez បានបដិសេធសំណើសុំទិញត្រឡប់ទៅ កាន់ក្លិប West Ham នៅក្នុងប្រទេសអង់គ្លេស វិញដោយសារតែបញ្ហាទឹកប្រាក់ ។

ក្រុមញញួរធំ West Ham បានដាក់ សំណើទិញCarlos Tevezដោយផ្តល់ប្រាក់ឈ្នួល១៥ម៉ឺនផោនក្នុងមួយសប្តាហ៍និង បូកប្រាក់លើកទឹកចិត្តបន្ថែមទៀត តែកីឡាករវ័យ៣៣ឆ្នាំរូបនេះបានទារថ្លៃរហូតដល់ ទៅ២៥ម៉ឺនផោនក្នុង១សប្តាហ៍ប្រសិនបើចង់ឲ្យរូបគេទៅចូលរួមក្រុម West Ham សាជាថ្មី។

លោក David Sullivan សហម្ចាស់ក្លិប West Hamបានថ្លែងថា “យើងចង់បាន Carlos Tevez ត្រឡប់មកវិញដោយផ្តល់ប្រាក់ឲ្យគាត់ច្រើនពេកទៅហើយដល់ទៅ១៥ម៉ឺនផោនក្នុងមួយសប្តាហ៍ប៉ុន្តែគាត់ទារលើសនេះ១០ម៉ឺនផោនទៀត។ នេះគឺជាការប្រថុយខ្លាំងណាស់សម្រាប់ពួកយើងដែលទិញកីឡាករមានវ័យ៣៣ឆ្នាំដូចជា រូបគាត់” ។

គួររំលឹកថា West Ham បានទិញ កីឡាករCarlos Tevezពីក្រុមCorinthians របស់ប្រេស៊ីលនៅក្នុងឆ្នាំ២០០៦បន្ទាប់ មករូបគេបានផ្លាស់ទៅកាន់ក្រុមបិសាច ក្រហមManchester United ជាលក្ខណៈ ខ្ចីជើងរយៈពេល២ឆ្នាំ។ ពេលនោះគាត់ជួយបិសាចក្រហមឈ្នះជើងឯកអង់គ្លេស២ សម័យជាប់ៗគ្នា ហើយក៏បន្តដំណើរនៅក្នុងប្រទេសអង់គ្លេសទៀតចូលរួមក្រុមMan-chester Cityក្នុងតម្លៃ២៥លានផោន។ គាត់ បានជួយក្រុមនេះឈ្នះជើងឯកអង់គ្លេស Premier League នៅក្នុងឆ្នាំ២០១២។

Carlos Tevezបានផ្លាស់ទៅកាន់ប្រទេស អុីតាលីចូលរួមក្រុម Juventus ឆ្នាំ២០១៣ និងជួយក្រុមនេះឈ្នះជើងឯកកំពូលរបស់អុីតាលីចំនួន២សម័យជាប់ៗគ្នាទៀត។ បច្ចុប្បន្នគាត់លេងឲ្យក្រុម Boca Juniors នៅក្នុងស្រុកកំណើតរបស់គាត់និងជាក្លិបដែលគាត់ចាប់ផ្តើមអាជីពដំបូងផងដែរ ៕

ដោយ៖ ដេវីត