ខេត្តកំពង់ស្ពឺ៖ រថយន្ដដឹកសិស្សសាលាឯកជនមួយគ្រឿង ពេលកំពុងបេីកដឹកសិស្សចេញពីសាលា ស្រាប់តែឆាបឆេះបង្កការភ្ញាក់ផ្អើលដល់កម្លាំងសមត្ថកិច្ចមូលដ្ឋាន ចេញជួយអន្តរាគមន៍បាញ់ពន្លត់ទាន់ពេលវេលា។
បេីតាមរាយការណ៍ពីសមត្ថកិច្ចនគរបាលមូលដ្ឋាន បានឱ្យដឹងថា អគ្គិភ័យឆាបឆេះរថយន្តដឹកសិស្សសាលាមួយគ្រឿង បង្កឱ្យមានការភ្ញាក់ផ្អើលឡើង នៅព្រឹកថ្ងៃទី០៤ ខែមករា ឆ្នាំ២០២៤ នៅចំណុចផ្លូវជាតិលេខ៤១ ឃុំពេជ្រមុនី ស្រុកគងពិសី ខេត្ដកំពង់ស្ពឺ។ មូលហេតុសង្ស័យឆ្លងចរន្តខ្សែភ្លើង។
សមត្ថកិច្ច ក៏បានបញ្ជាក់ថា ករណីឆេះរថយន្តខាងលេីនេះមិនបណ្តាលឱ្យសិស្សានុសិស្ស ដែលជិះក្នុងរថយន្ដមិនមានរងរបួសនោះទេ ខណៈសមត្ថកិច្ចបានចុះជួយអន្ដរាគមន៍សង្គ្រោះបាញ់ពន្លត់ទាន់ពេលវេលា៕
...
ដោយ៖កំពង់ស្ពឺ
