ខេត្តកំពង់ធំ៖ រថយន្តCRVមួយគ្រឿងតែបើកបរក្នុងល្បឿនលឿនបានជ្រុលទៅបុករថយន្ត២គ្រឿងទៀតដែលកំពុងចតនៅលើចិញ្ចើមផ្លូវសាងត្រីដើម្បីយកទៅលក់បន្ត ខណៈដែលរថយន្តខូចបណ្តាលឱ្យមាន មនុស្សស្លាប់៣នាក់និង២នាក់រងរបួស ។

គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង១និង៣០នាទី រំលងអធ្រាត្រឈានចូលថ្ងៃទី១០ ខែ កក្កដា ឆ្នាំ២០១៦ ស្ថិតនៅតាមបណ្តោយ ផ្លូវជាតិលេខ៦ ត្រង់ចំណុចភូមិថ្លា ឃុំ ច្រនាង ស្រុកបារាយណ៍ ខេត្តកំពង់ធំ ។

សមត្ថកិច្ចបានឱ្យដឹងថា ករណីគ្រោះថ្នាក់ចរាចរណ៍នេះបង្កឡើងដោយអ្នកបើកបររថយន្តម៉ាកCRV ពណ៌ទឹកមាស ពាក់ ស្លាកលេខ ភ្នំពេញ 2Z-4663។ មនុស្សដែល ជិះនៅលើរថយន្តCRV២នាក់បានស្លាប់នៅនឹងកន្លែងកើត ហេតុទី១-ឈ្មោះ នូ អៀម អាយុ២៥ឆ្នាំ រស់នៅភូមិព្រៃទទឹង ឃុំព្រះនិព្វាន ស្រុកគងពិសី ខេត្តកំពង់ស្ពឺ ទី២-ឈ្មោះ ប៊ុត ស្រុីន ភេទប្រុស អាយុ ៣៨ឆ្នាំ រស់នៅសង្កាត់ផ្សារដេប៉ូ៣ ខណ្ឌ ទួលគោក រាជធានីភ្នំពេញ និងទី៣-ឈ្មោះ ប៊ុន លី ភេទប្រុស អាយុ៣៨ឆ្នាំ រស់នៅ សង្កាត់ទឹកថ្លា ខណ្ឌសែនសុខ រាជធានីភ្នំ ពេញបានស្លាប់ពេលបញ្ជូនទៅមន្ទីរទេព្យ។ រីឯអ្នករួមដំណើរ២នាក់ទៀតបានរងរបួសធ្ងន់មិនត្រូវបានស្គាល់អត្តសញ្ញាណទេ។ ករណីគ្រោះថ្នាក់ចរាចរណ៍នេះខាងភាគី រថយន្តដឹកត្រីពុំមាននរណាម្នាក់រងរបួស និងស្លាប់នោះទេ ។

សមត្ថកិច្ចបានបញ្ជាក់ដែរថា មុនពេល កើតហេតុ អ្នកបើកបររថយន្តCRVបានបើកបរក្នុងស្ថានភាពស្រវឹងជោកជំា ពេលបើកមមកដល់ចំណុចកើតហេតុក៏ស្រាប់តែរេ ចង្កូតទៅបុករថយន្តដឹកត្រីយ៉ាងពេញ ទំហឹង ខណៈដែលរថយន្តដឹកត្រីកំពុងចតបន្តកន្ទុយគ្នានៅលើចិញ្ចើមផ្លូវដើម្បីសាងត្រីទៅលក់បន្ត ។

ក្រោយពេលកើតហេតុសមត្ថកិច្ចបានយករថយន្តទាំង៣គ្រឿងទៅរក្សាទុកនៅ អធិការដ្ឋាននគរបាលស្រុកបារាយណ៍រង់ចាំភាគីទាំងសងខាងចូលខ្លួនមកដោះស្រាយ តាមច្បាប់ ៕

ដោយ៖ ប៊ុន រិទ្ធី