ខេត្តកណ្តាល៖ មានករណីភ្ញាក់ផ្អើលមួយបានកើតឡើងកាលពីវេលាម៉ោង៧ព្រឹកថ្ងៃទី១៣ ខែកក្កដា ឆ្នាំ២០១៦ ខណៈប្រជាពលរដ្ឋបានប្រទះឃើញសាកសពបុរសម្នាក់បានស្លាប់នៅលើផ្លូវរថភ្លើងជាមួយនឹងស្នាមរបួសជាច្រើន។

សមត្ថកិច្ចបានឲ្យដឹងថា សាកសពមិនទាន់ត្រូវបានស្គាល់អត្តសញ្ញាណនៅឡើយទេ មានអាយុប្រហែលជាង៤០ឆ្នាំ អាចត្រូវរថភ្លើងបុកនៅក្នុងចន្លោះម៉ោង៤ទៅ១០យប់ ពេលវេលាដែលរថភ្លើងជាទម្លាប់ត្រូវឆ្លងកាត់ម្តុំនោះ។

ករណីនេះបានកើតឡើងនៅចំណុចលេខ៣១ ស្ថិតក្នុងភូមិព្រៃមាន ឃុំត្រពាំងវែង ស្រុកកណ្តាលស្ទឹង ខេត្តកណ្តាល។

ពេលនេះសាកសពសមត្ថកិច្ចកំពុងពិនិត្យធ្វើកោសល្យវិច័យ និងស្រាវជ្រាវរកសាច់ញាតិដើម្បីយកទៅធ្វើបុណ្យតាមប្រពៃណី៕

ដោយ៖ សុខ ខេមរា