ខេត្តស្វាយរៀង: រថយន្តមិនស្គាល់ម៉ាកបត់ឆ្វេងមិនប្រយ័ត្ន បុកបុរសជា បុគ្គលិកកាស៊ីណូ ម្នាក់ កំពុងជិះម៉ូតូ ស្របទិសគ្នា ស្លាប់ ភ្លាមនឹងកន្លែង បង្កការភ្ញាក់ផ្អើលដល់អ្នកភូមិនិងអ្នកធ្វើដំណើរទាំងយប់។

ហេតុការណ៍នេះបានកើតឡើងនៅវេលាម៉ោង៨និង៣៥នាទីយប់ ថ្ងៃទី ២៤ខែ មករា ឆ្នាំ ២០២៤ នៅលើផ្លូវជាតិលេខ១ ចន្លោះគីឡូម៉ែត្រ១៥០-១៥១ស្ថិតនៅក្នុងភូមិកំពោតជ្រួក សង្កាត់ព្រៃអង្គុញ ក្រុងបាវិត ខេត្តស្វាយរៀង។

យោងតាមសមត្ថកិច្ចបានអោយដឹងថាអ្នកស្លាប់មានឈ្មោះ យ៉ែម សំអូន  អាយុ ១៨ ឆ្នាំ ជនជាតិខ្មែរ មុខរបរបុគ្គលិកកាស៊ីណូ មានទីលំនៅក្នុងភូមិស្វាយចេក ឃុំសំឡី ស្រុកកំពង់រោទិ៍ ខេត្តស្វាយរៀងបើកម៉ូតូ ម៉ាក HONDA C125 ពណ៌ខ្មៅ ពាក់ស្លាកលេខ ស្វាយរៀង 1J-9554ខូចខាតយ៉ាងដំណំ។

តាមសាក្សីបានអោយដឹងថាមុនកើតហេតុមានបុរសម្នាក់ជិះម៉ូតូ ម៉ាក HONDA C125 ពណ៌ខ្មៅ ពាក់ស្លាកលេខ ស្វាយរៀង 1J-9554 ធ្វើដំណើរពី  លិចទៅកើត ខណៈនោះស្រាប់តែ មានរថយន្ត មួយ គ្រឿង មិនស្គាល់ម៉ាក អ្នកបើកបរមិនស្គាល់អត្តសញ្ញាណធ្វើដំណើរស្របទិសគ្នា ហើយបានបត់ឆ្វេងខ្វះការប្រុងប្រយ័ត្ន បុកពេញទំហឹងបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរទាំងយប់។
ក្រោយឃើញសភាពការណ៍មិនស្រួល
បានបើករថយន្ត គេចពីកន្លែងកើតហេតុបាត់ស្រមោលតែម្ដង។

បច្ចប្បន្ន សាកសពត្រូវបានសមត្ថកិច្ចធ្វើការវាស់វែងនិងប្រគល់ជូនសាច់ញាតិយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕ដោយ៖សុថាន