ខេត្តស្វាយរៀង: មានភ្ញាក់ផ្អើលទាំងយប់ដល់អ្នកភូមិនិងម្ចាស់ តូបលក់ស្បែកជើង នាំគ្នាជួយអន្តរាគមន៍និងរាយការណ៍មកសមត្ថកិច្ចមូលដ្ឋាន ជួយយករថយន្តបាញ់ពន្លត់ អកុសល ហួសពេលទៅហើយ ខណៈភ្លើងឆេះយ៉ាងសន្ធោសន្ធៅបាត់ទៅហើយ។
ហេតុការណ៍ នេះបានកើតឡើង កាលវេលាម៉ោង១០និង៣៥នាទីយប់ ថ្ងៃទី២៥ខែមករាឆ្នាំ២០២៤ ភូមិថ្នល់កែង ឃុំកណ្ដៀងរាយ ស្រុកស្វាយទាប ខេត្តស្វាយរៀង។
យោងតាមសមត្ថកិច្ចនគរបាលស្រុកបានឲ្យដឹងថាម្ចាស់តូបមានឈ្មោះ គង់ វេហាស៍ ភេទប្រុស អាយុ៥៦ឆ្នាំ មុខរបរ អាជីវករ មានទីលំនៅ
ភូមិថ្នល់កែង ឃុំកណ្ដៀងរាយ ស្រុកស្វាយទាប ខេត្តស្វាយរៀង។
ប្រភពបន្តថា សម្ភារ:ខូចខាត តូបលក់ធ្វើអំពីឈើប្រក់សង្គសីជញ្ជាំងសង្គសី ដែលមានបណ្តោយ១២ម៉ែត្រគុណនិង ទទឹង៥ម៉ែត្រខូចខាត ឆេះទាំងស្រុង។
ស្បែកជើងគ្រប់ប្រភេទ គិតជាទឹកប្រាក់ប្រហែល១.០០០០$(មួយម៉ឺនដុល្លា) ។
តាមម្ចាស់តូប បានប្រាប់សមត្ថកិច្ចមូលដ្ឋានថា មុនកើតហេតុគាត់បានលក់ស្បែកជើង ដូចធម្មតា រហូតដល់ល្ងាច ក៏បានបិទតូប ហើយក៏បានអុជធូបសែនផ្លែឈើ ពីព្រោះជា ថ្ងៃសីល ។
ក្រោយមក ម៉ោងកើតហេតុស្រាប់តែ នៅក្នុងតូបមានភ្លើងឆេះ ទើបបង្កការមានភ្ញាក់ផ្អើល ដល់អ្នកភូមិ នាំគ្នាជួយអន្តរាគមន៍ដងទឹកពន្លត់ និងរាយការណ៍មកសមត្ថកិច្ចមូលដ្ឋាន យករថយន្តបាញ់ពន្លត់ អកុសល ហួសពេលទៅហើយ ខណៈភ្លើងឆេះយ៉ាងសន្ធោសន្ធៅ បានត្រឹមសោកស្ដាយ។
សមត្ថកិច្ចមូលដ្ឋានបញ្ជាក់ថា មូលហេតុ ដោយសារ មានការធ្វេសប្រហេស ដោយ ឆេះឆ្លងពីភ្លើងធូប ដុតទុកចោល ទើបបង្កជាអគ្គិភ័យកើតឡើងប៉ុន្តែមិនបណ្ដាលអោយមានមនុស្សណាម្នាក់រងគ្រោះថ្នាក់នោះទេ៕
