កាសែត Washington Post បានផ្សាយថា អតីតប្រធានាធិបតីអាមេរិក Donald Trump អាចនឹងយកពន្ធ 60% លើការនាំចូលពីប្រទេសចិន ប្រសិនបើជាប់ឆ្នោតជាថ្មីក្នុងការបោះឆ្នោតប្រធានាធិបតីនៅខែវិច្ឆិកា ឆ្នាំ 2024។

យោងតាម កាសែត Washington Post នៅថ្ងៃទី28 ខែមករាបានដកស្រង់ប្រភពមួយដែលនិយាយថា អតីតប្រធានាធិបតីអាមេរិក Donald Trump បានពិភាក្សាជាមួយទីប្រឹក្សារបស់គាត់អំពីលទ្ធភាពនៃការដាក់ពន្ធ 60% លើការនាំចូលរបស់ចិនទាំងអស់។
កាសែត Washington Post បានផ្សាយថា ប្រសិនបើសម្រេចបាន ជំហាននេះនឹងនាំឱ្យមានសង្គ្រាមពាណិជ្ជកម្មពិភពលោក។ “ចិននឹងទទួលបន្ទុក” – នោះគឺជាពាក្យស្លោកដែលអតីតប្រធានាធិបតី Donald Trump ប្រើក្នុងឆ្នាំ 2018 ដើម្បីដំឡើងពន្ធខ្ពស់លើទំនិញចិន។
ក្រោមការគ្រប់គ្រងរបស់ប្រធានាធិបតី Trump សហរដ្ឋអាមេរិកបានដាក់ពន្ធលើទំនិញជាង 300 ពាន់លានដុល្លារដែលនាំចូលពីប្រទេសចិន ចាប់ពីស្បែកជើង និងសម្លៀកបំពាក់ រហូតដល់គ្រឿងអេឡិចត្រូនិក កង់ និងសូម្បីតែចំណីសត្វ បន្ទាប់ពីមានការស៊ើបអង្កេតបានសន្និដ្ឋានថា ចិនបានលួចកម្មសិទ្ធិបញ្ញាពីក្រុមហ៊ុនអាមេរិក ហើយបង្ខំពួកគេឱ្យបច្ចេកវិទ្យាផ្ទេរ៕ ដោយធីរីណា

រូប​ថត​: AP