ខេត្តតាកែវ៖ ជនសង្ស័យម្នាក់ត្រូវបានសមត្ថកិច្ចធ្វេីការឃាត់ខ្លួននាំយកទៅសួរនាំដោយពាក់ព័ន្ធករណីប្រេីប្រាស់គ្រឿងញៀន។
ប្រតិបត្តិការខាងលេីនេះបានធ្វេីឡេីងកាលពីវេលាម៉ោង១៥និង៣០នាទី ថ្ងៃទី ២៩ ខែមករា ឆ្នាំ២០២៤ នៅចំណុច(រោងមាន់ខាងកើតផ្ទះ)ស្ថិតក្នុងភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ។
ជនសង្ស័យ ឈ្មោះ ញឹន សារិទ្ធ ហៅរិទ្ធ ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ។
សមត្ថកិច្ចបានឱ្យដឹងថា កម្លាំងជំនាញការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្ក្រាបបទល្មើស សហការ ជាមួយកម្លាំងអង្គភាពនគរបាលយុត្តិធម៌ ដឹកនាំដោយលោកវរសេនីយ៍ឯក ង៉ែត ចាន់ធី មេបញ្ជាការរង បានចុះបង្ក្រាបករណីគ្រឿងញៀន ជាក់ស្ដែងនៅចំណុចខាងលេីក៏ឃាត់ខ្លួនជនសង្ស័យម្នាក់ ដកហូតវត្ថុតាងរួមមានម្សៅក្រាមពណ៌សថ្លាចំនួន០២កញ្ចប់ទម្ងន់:០,៤៩ក្រាម( ថ្លឹងទាំងសំបកថង់)
សម្ភារៈវេចខ្ចប់ថ្នាំញៀនមួយចំនួន និងសម្ភារៈចូកថ្នាំញៀនចំនួន០១ ទូរស័ព្ទចំនួន០១គ្រឿង (អូប៉ូ)។
បច្ចុប្បន្ន ជនសង្ស័យ និងវត្ថុតាង ឃាត់ខ្លួន និងរក្សាទុក នៅទីបញ្ជាការកងរាជអាវុធហត្ថខេត្ត ការិយាល័យជំនាញកំពុងកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕ដោយ៖សុខាសែនជ័យ
