ខេត្ដរតនគិរី ៖ កម្មករនៅផ្ទះទិញលក់ អេតចាយម្នាក់បានស្លាប់នៅក្នុងបន្ទប់ ទឹកដោយគេសន្និដ្ឋានជំហ៊ានដំបូងការ ស្លាប់របស់ជនរងគ្រោះបណ្ដាលមកពី ខ្យល់គរ ។
សាសព*ជនរងគ្រោះត្រូវបានកម្មករ ដូចគ្នាប្រទះឃើញនៅវេលាម៉ោង៥ ល្ងាចថ្ងៃទី៣០ ខែកក្កដា ឆ្នាំ២០១៥ ឋិត ក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្ដរតនគិរី ។
ថៅកែស្ដង់ទិញលក់អេតចាយប្ដីឈ្មោះ ង្វៀង វ៉ាន់លឹម អាយុ៤៥ឆ្នាំ និងប្រពន្ធ ឈ្មោះ វិន ធីយ៉យ អាយុ៤៣ឆ្នាំ ជនជាតិ វៀតណាម បានឱ្យដឹងថា ជនរងគ្រោះ ឈ្មោះ ប្រឹម ញ៉ុក ភេទប្រុស អាយុ៣៥ឆ្នាំ ជនជាតិខ្មែរ មុខរបរបើករថយន្ដដឹក អេតចាយ មានស្រុកកំណើតក្នុងភូមិដូង ឃុំរូង ស្រុកមេម៉ត់ ខេត្ដត្បូងឃ្មុំ បច្ចុប្បន្ន ស្នាក់នៅភូមិ-សង្កាត់កើតហេតុ ។
ថៅកែទិញអេតចាយខាងលើនេះបាន បញ្ជាក់ថា ជនរងគ្រោះបានមករស់់នៅ ជាមួយគាត់ប្រមាណជិត១០ឆ្នាំមក ហើយៗក្រុមគ្រួសាររបស់គាត់បានចាត់ ទុកជនរងគ្រោះដូចជាកូនចៅក្នុងគ្រួសារ ។ មុនកើតហេតុគាត់បានឱ្យជនរងគ្រោះ ទៅសាលារៀនបើកបររថយន្ដបំណងចង់ ឱ្យជនរងគ្រោះមានប័ណ្ណបើកបរ ។ លុះ ដល់ម៉ោង៥ល្ងាចមានកម្មករម្នាក់បាន ឡើងទៅលើផ្ទះដាំបាយស្រាប់តែឃើញ ស្បែកជើងជនរងគ្រោះនៅមុខបន្ទប់ទឹក។ ពេលនោះកម្មកររួមការងារម្នាក់នោះ បានរុញទ្វារបន្ទប់ទឹក ស្រាប់តែប្រទះ ឃើញជនរងគ្រោះស្លាប់តែម្ដង ។
លោក សេង សាវុធ អធិការរងក្រុង បានលុងបានប្រាប់ឱ្យដឹងនៅព្រឹកថ្ងៃទី៣១ ខែកក្កដា ថា បើតាមសមត្ថកិច្ចពិនិត្យ សាកសពជនរងគ្រោះគឺជនរងគ្រោះ ស្លាប់ដោយសារខ្យល់គរ ។ សាកសព ជនរងគ្រោះសមត្ថកិច្ចបានរកឃើញដាច់ សរសៃរឈាមនៅ.ក គ្រាដែលជនរង គ្រោះដួលនៅក្នុងបន្ទប់ទឹក ។
សាកសពជនរងគ្រោះត្រូវបានបញ្ជូន ទៅស្រុកកំណើតឯខេត្ដត្បូងឃ្មុំដើម្បី ក្រុមគ្រួសារចាត់ចែងធ្វើបុណ្យក្រោម ការចំណាយធ្វើបុណ្យលើថៅកែស្ដង់ទិញ លក់អេតចាយ ៕ អ៊ុច សាវុទ្ធ
