ភ្នំពេញ៖ ដើមអង្កាញ់មួយដើមដែលនៅទល់មុខហាងកាត់ដេរយីហោ ឆនសុវណ្ណរាជ បានបាក់សង្កត់លេីរថយន្តកូរ៉ូឡា១គ្រឿង ដែលចតទុកចោល ប៉ុន្តែមិនមានគ្រោះថ្នាក់ដល់អ្នកធ្វេីដំណើរតាមផ្លូវនោះទេ គ្រាន់តែខូចខាតដំបូលមុខរថយន្តតែប៉ុណ្ណោះ។
ហេតុការណ៍ភ្ងាក់ផ្អើលខាងលេីនេះ បានកេីតឡេីង កាលពីវេលាម៉ោង៤និង៣០ នាទីល្ងាចថ្ងៃទី៣០ ខែកក្កដា ឆ្នាំ២០១៥ នៅទល់មុខហាងកាត់ដេរឆនសុវណ្ណរាជ តាមផ្លូវទេពផន សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីកន្លែងកេីតហេតុ បានឲ្យដឹងថា នៅមុនពេលកេីតហេតុ រថយន្តម៉ាកកូរ៉ូឡា ពណ័ស្លែ ពាក់ស្លោកលេខ ភ្នំពេញ ២D-៤៤៣៥ ដែលចតនៅ មុខហាងកាត់ដេរឆនសុវណ្ណរាជ តាមបណ្ដាយផ្លូវ១៨២ លុះដល់ម៉ោងកេីតហេតុខាងលេី ស្រាប់តែ ដើមអង្កាញ់ដែលពុកឫកល់ទើប ក៏ បានបាក់សង្កត់លើរថយន្តនោះតែម្តង បណ្ដាលអោយខួចខាតដំបូលនិងបែកកញ្ចក់ខាងមុខផងដែរ ។
ក្រោយពេលកើតហេតុ អាជ្ញាធរខណ្ឌទួលគោកបានចុះទៅរៀបចំ និងកាត់ដើមឈើដែលបាក់រលំនេះចេញពីដងផ្លូវ ដើម្បីអោយធ្វើចរាចណ៍ឡើងវិញកុំឲ្យស្ទះផ្លូវ ៕ស ដារ៉ា
