ខេត្តបន្ទាយមានជ័យៈផ្ទះឈើមួយខ្នងដំបូលនិងជញ្ជាំងប្រក់ស័ង្កសីត្រូវខ្យល់វាយប្រហាររាបដល់ដីនៅវេលាម៉ោង ៤ និង៤០នាទីរសៀលថ្ងៃទី៣០ ខែមីនា ឆ្នាំ២០២៤ ទីលំនៅភូមិសន្តិភាព ឃុំទួលពង្រ ស្រុកម៉ាឡៃ។​

 នគរបាលស្រុកម៉ាឡៃប្រាប់ថា មុនកើតហេតុគេឃើញមេឃមានពណ៏ខ្មៅ រលឹមស្រិចៗ​លាយទ្បំ ដោយភ្នែកបន្ទោមានភ្លៀង លាយឡំខ្យល់កន្ត្រាក់បក់បោកយ៉ាងខ្លាំងបណ្ដាលឲ្យចំផ្ទះប្រជាពលរដ្ឋចំនួន ០១ ខ្នងដួលរលំទាំងស្រុងទំហំផ្ទះ ៤ម៉ែត្រ X ៦ម៉ែត្រដំបូលប្រក់ស័ង្កសីជញ្ជាំងស័ង្កសីធ្វើអំពីឈើ ។

 យោធាខាងលើបន្តថា ផ្ទះពលរដ្ឋខាងលើមានឈ្មោះពូន ថៃ ប្រពន្ធឈ្មោះស៊ា យៀន កូនក្នុងបន្ទុកចំនួន 5 នាក់  មានទីលំនៅភូមិសន្តិភាព ឃុំទួលពង្រ ស្រុកម៉ាឡៃ។

ក្រោយកើតហេតុមានកម្លាំងអង្គភាពវរៈ891 ប៉ុស្តិ៍នគរបាលការពារព្រំដែនគោកអូរល្ហុងកំពុងធ្វើការជួយ រុះរើ​ និងជួសជុសដើម្បីឲ្យពួកគាត់រស់នៅបន្តទៀត។តែក្នុងហេតុការខាងលើមិនមាន សេចក្ដីរាយការណ៍​បាត់បង់ជីវិតមនុស្សឬសត្វនោះឡើយ។វណ្ណា