ខេត្តស្វាយរៀង: មានករណីគ្រោះថ្នាក់ចរាចរណ៍២កន្លែងផ្សេងគ្នា បណ្ដាលអោយមនុស្សរងរបួសធ្ងន់ស្រាល៣នាក់នៅស្រុកកំពង់រោទ៏និងស្រុកស្វាយទាប។

យោងតាមសមត្ថកិច្ចនគរបាលបានអោយដឹងថាករណីទី១បានកើតឡើង នៅវេលាម៉ោង១០និង៥៥នាទី ថ្ងៃទី១២ខែមេសាឆ្នាំ២០២៤
ស្ថិតនៅចំណុចភូមិស្វាយអាណាត ឃុំញរ ស្រុកកំពង់រោទិ៍ខេត្តស្វាយរៀងលេីផ្លូវជាតិលេខ៣១៤D
មានម៉ូតូ មួយគ្រឿងម៉ាក ហុងដា វ៉េវ  ពណ៌ខ្មៅ ពាក់ស្លាកលេខ ស្វាយរៀង ១O-៣០៣៨  បេីកបរដោយឈ្មោះ រាជ សុភី ភេទប្រុស អាយុ ២៩ឆ្នាំ មុខរបរកម្មកររោងចក្រ មានទីលំនៅភូមិកោះត្រាច ឃុំថ្មី ស្រុកកំពង់រោទិ៍ ខេត្តស្វាយរៀង
ក៏បុកជាមួយ ម៉ូតូម៉ាកហុងដា ពណ៌ខ្មៅពាក់ស្លាកលេខ ស្វាយរៀង ១N-៣២៧៧បើកបរដោយឈ្មោះ ញ៉ែម ដារ៉ាភេទប្រុសអាយុ២៩ឆ្នាំមុខរបរកសិករ មានទីលំនៅភូមិស្វាយអាណាត ឃុំញរ ស្រុកកំពង់រោទិ៍ខេត្តស្វាយរៀងពេញទំហឹងបង្កការភ្ញាក់ផ្អើលតែម្ដង។

សមត្ថកិច្ចបានបញ្ជាក់មូលហេតុ:ដោយសារតែ អ្នកបើកបរម៉ូតូពាក់ស្លាកលេខ ស្វាយរៀង ១O-៣០៣៨ បើកបរក្នុងស្ថានភាពស្រវឹង ១.១៨៤ mg/L ។

បច្ចុប្បន្ន: ម៉ូតូចំនួន ០២គ្រឿងត្រូវបានសមត្ថកិច្ច វាស់វែងនិងអូស យកមករក្សាទុកនៅប៉ុស្តិ៍នគរបាលរដ្ឋបាលញរដេីម្បីរងចាំធ្វើដោះស្រាយតាមច្បាប់។

ករណីទី២ បានកើតឡើងកាលពីវេលាម៉ោង២និង៤៥នាទីរសៀល ថ្ងៃទី១២ខែមេសាឆ្នាំ២០២៤ ស្ថិតនៅចំណុចភូមិអង្គតាមោគ ឃុំប្រសូត ស្រុកស្វាយទាប ខេត្តស្វាយរៀង លេីផ្លូវជាតិលេខ៣១៤D មានរថយន្ដម៉ាក Luxus330  ពណ៌ទឹកប្រាក់ ពាក់ស្លាកលេខ ភ្នំពេញ ២AW-៤៩៨២ អ្នកបេីកបរ មិនត្រូវបានស្គាល់អត្តសញ្ញាណ បានបុកជាមួយ ម៉ូតូម៉ាកហុងដា ពណ៌ខ្មៅពាក់ស្លាកលេខ ស្វាយរៀង ១O-១៧៥៤ បើកបរដោយឈ្មោះ ឡាញ់ ភាក់ ភេទប្រុសអាយុ២៦ឆ្នាំមុខរបរកម្មកររោងចក្រមានទីលំនៅភូមិញរ ឃុំញរ ស្រុកកំពង់រោទិ៍ ខេត្តស្វាយរៀងពេញទំហឹងបណ្ដាលអោយ រងរបួសធ្ងន់ត្រូវបានយកទៅព្យាបាលនៅមន្ទីរពេទ្យបង្អែកស្រុកស្វាយទាប។

សមត្ថកិច្ចបានបញ្ជាក់ថា មូលហេតុ អ្នកបើកបរម៉ូតូពាក់ស្លាកលេខ  ស្វាយរៀង ១O-១៧៥៤ មិនប្រកាន់ស្តាំ បច្ចុប្បន្ន មធ្យោបាយទាំងពីរគ្រឿងត្រូវសមត្ថកិច្ចបានយកមករក្សាទុកនៅ អធិការដ្ឋាននគរបាលស្រុកកំពង់រោទិ៍ ដេីម្បីកសាងសំណុំរឿងតាមច្បាប់៕