ខេត្តស្ទឹងត្រែង៖ បុរសម្នាក់ថយគោយន្តកន្ត្រៃមិនបានប្រយ័ត្នមកបុកនឹងគុលឈើនៅជាប់នឹងរបងជំហៀងផ្ទះបណ្តាលឲ្យស្លាប់ភ្លាមៗនៅនឹងកន្លែងកើតហេតុតែម្ដង។
...
ហេតុការណ៍នេះកើតឡើងនៅវេលាម៉ោង១១និង៣០នាទីព្រឹកថ្ងៃទី២០ ខែកក្តដា ឆ្នាំ២០១៦ នៅចំណុចទំនប់ស្រែអូរននោង ភូមិសន្តិភាព ឃុំថ្មកែវ ស្រុកសៀមប៉ាង ខេត្តស្ទឹងត្រែង។
តាមការឲ្យដឹងពីរអ្នកជិតខាងបាននិយាយថា ជនរងគ្រោះឈ្មោះ បួ លីថាវី ភេទប្រុស អាយុ៣៣ឆ្នាំ ជនជាតិខ្មែររស់នៅភូមិកើតហេតុខាងលើ គាត់បើកគោយន្តកន្ត្រៃនេះបម្រុងចេញទៅស្រែចៃដន់គោយន្តនោះជាប់លេខអាយ៉ែក៏បានថយក្រោយមកបុកនឹងគុលឈើនៅជិតនឹងរបងនោះមួយទំហឹងបណ្តាលឲ្យគៀបដៃចង្គូតនឹងទូកគោយន្តចំទ្រូង
បណ្តាលឲ្យស្លាប់ភ្លាមៗនៅនឹងកន្លែងកើតហេតុតែម្តង។
បច្ចុប្បន្នសពជនរងគ្រោះត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕
ដោយ៖ មាស សុផាត
...
