ភ្នំពេញ៖ បុរសម្នាក់បានបេីករថយន្តកាមរីបាឡែនមួយគ្រឿងបោះពួយយ៉ាងលឿនមិនប្រយ័ត្នក៏បានរេចង្កូតទៅបុករបាំងថ្មពុះចែកទ្រូងផ្លូវបាក់ចំនួនមួយកង់ សំណាងល្អមិនបង្កឲ្យគ្រោះថ្នាក់ដល់មនុស្ស។

ហេតុការណ៍គ្រោះថ្នាក់ចរាចរណ៍ខាងលើនេះដែរបង្កការផ្ញាក់ផ្អើលកាលពីវេលាម៉ោង១:៣០នាទីរំលងអាធ្រាត្រឈានចូលថ្ងៃទី២៧ខែមេសាឆ្នាំ ២០២៤ចំណុចមុខផ្សារដេប៉ូស្ថិតនៅលើផ្លូវពី ២១៥សង្កាត់សារដេប៉ូទី ១ ខណ្ឌទួលគោករាជធានីភ្នំពេញ។

ប្រភពពីកន្លែងកើតហេតុបានហើយដឹងថាមុនកើតហើយគេឃើញរថយន្តកាមរីបាឡែនពណ៌សមួយគ្រឿងពាក់ផ្លាកលេខ ភ្នំពេញ2R-0823 បើកបរដោយបុរសម្នាក់ធ្វើដំណើរតាមបណ្ដោយផ្លូវពី ២១៥ក្នុងទិសដៅពីជើងមកត្បូងក្នុងល្បឿនលឿនខណៈពេលបើកមកដល់ចំណុចកើតហេតុខាងលើក្បែនិងផ្សារដេប៉ូក៏បានរេចង្កូតទៅបុករបាំងថ្មពុះចែកទ្រូងផ្លូវចំពាក់កណ្តាលយ៉ាងពេញទំហឹងបាក់ចំនួនមួយកង់ចេញពីកន្លែងដើមរងការខូចខាត ចំណែករថយន្តបង្កវិញបានដាច់កង់ខាងឆ្វេងមួយចំហៀងផ្នែកខាងមុខខូចខាតយ៉ាងដំណំ សំណាងល្អមិនបង្កឲ្យមាននាក់រងរបួសចំណែកនាក់បើកបរវិញត្រូវសមត្ថកិច្ចឃាត់បាននៅកន្លែងកើតហេតុ។

ក្រោយកើតហេតុសមត្ថកិច្ចមូលដ្ឋានចុះមកដល់រួចក៏បានទាក់ទងទៅមន្ត្រីជំនាញចរាចរណ៍ចុះមកវាស់វែងធ្វើកំណត់ហេតុស្ទូចយករថយន្តបង្កទៅរក្សាទុកនៅការិយាល័យចរាចរណ៍ជំនាញផ្លូវគោកនៃស្នងការរដ្ឋាននគរបាលរាជធានីភ្នំពេញរង់ចាំភាគីម្ចាស់រថយន្តចូលខ្លួនធ្វើការដោះស្រាយនៅពេលក្រោយ៕ដោយ៖សុខាសែនជ័យ