ភ្នំពេញ៖ បើតាមការបញ្ជាក់ពីនាយឧត្តមសេនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានថ្លែងឱ្យដឹងនៅថ្ងៃទី០១ ខែឧសភា ឆ្នាំ២០២៤នេះថា៖ គិតចាប់ពីម៉ោង ៣៖០០ នាថ្ងៃទី២៨ ដល់វេលាម៉ោង ៣៖០០ ថ្ងៃទី២៩ ខែមេសា ឆ្នាំ២០២៤ សមត្ថកិច្ចកម្ពុជាបានទទួលសំណើចំនួន ១៨ករណីទៀត ដែលស្នើឱ្យជួយសង្គ្រោះជនជាតិបរទេស ២៧នាក់។
លោកនាយឧត្តមសេនីយ៍ ខៀវ សុភ័គ បានបញ្ជាក់ថា បច្ចុប្បន្នភាពស្រាវជ្រាវ តាមបញ្ជីតាមដាន គិតត្រឹមថ្ងៃទី២៩ ខែមេសា ឆ្នាំ២០២៤ រួមមាន៖
១៖ ទទួលបានណ្តឹងសរុប ១,៤៦៦សំណើរ មានមនុស្ស ៣,៣០២នាក់
២៖ បានស្រាវជ្រាវស៊ើបអង្កេតបឋម ១,២៩៣សំណើ និងបិទសំណុំរឿង ៤២១សំណើ (រកឃើញមនុស្ស ១,៩៥៣នាក់, ឃាត់ខ្លួនជនសង្ស័យ ១៤៧នាក់, បិទក្រុមហ៊ុន ៥ទីតាំង, និងផ្អាកអាជីវកម្ម ក៏ដូចជាស្រាវជ្រាវក្រុមហ៊ុន ៤ទីតាំង)
៣៖ កំពុងបន្តបើកប្រតិបត្តិការស្រាវជ្រាវ និងស៊ើបអង្កេត ១៣១ករណី។
សូមជម្រាបដែរថា សមត្ថកិច្ចកម្ពុជា កាលពីថ្ងៃទី២៩ ខែមេសាថ្មីៗនេះ បានស្រាវជ្រាវ បន្តរកឃើញមនុស្សចំនួន៧នាក់ ប៉ុន្តែ មិនមែនជាករណីបង្ខាំង ឬធ្វើទារុណកម្មទេ ប៉ុន្តែ ជនបរទេសទាំង២នាក់នេះ ចង់វិលត្រឡប់ទៅប្រទេសកំណើតវិញ៕ដោយ៖តារា
