កីឡាករលើកទម្ងន់ Oleksandr Pielieshenko ដែលតំណាងឱ្យប្រទេសអ៊ុយក្រែនក្នុងព្រឹត្តិការណ៍កីឡាអូឡាំពិកទីក្រុង Rio 2016 បានទទួលមរណភាពក្នុងអំឡុងពេលមានជម្លោះជាមួយរុស្ស៊ី។

 ម្ចាស់ជើងឯកអឺរ៉ុប២សម័យកាល Pielieshenko អាយុ៣០ឆ្នាំបានចូលរួមជាមួយកងកម្លាំងប្រដាប់អាវុធភ្លាមៗបន្ទាប់ពីការលុកលុយរបស់រុស្ស៊ីលើអ៊ុយក្រែនក្នុងឆ្នាំ២០២២។ នេះបើយោងតាមគណៈកម្មាធិការជាតិអូឡាំពិកអ៊ុយក្រែន។

 លោក Viktor Slobodianiuk គ្រូបង្វឹក ផ្នែក លើក ទម្ងន់ និង ជា សមាជិក ក្រុមប្រឹក្សាភិបាល សហព័ន្ធ លើក ទម្ងន់ អ៊ុយក្រែន(UWF) បាន និយាយ ថា “ សង្រ្គាមបាននាំឲ្យ យើងតស៊ូ បាន ល្អ បំផុត… វីរបុរស មិន ស្លាប់ ទេ”។

 UWF បានបន្ថែមថា កីឡាករ Pielieshenko បានស្លាប់នៅក្នុងការវាយប្រហារនៃទាហានជួរមុខ។ គាត់បានជាប់ចំណាត់ថ្នាក់លេខ៤ នៅ Rio Games ក្នុងប្រភេទទម្ងន់៨៥គីឡូក្រាម និងបានឈ្នះមេដាយមាសនៅជើងឯកទ្វីបអឺរ៉ុបក្នុងឆ្នាំ២០១៦ និង២០១៧។

 កីឡាករ Pielieshenko ក្រោយមកត្រូវបានហាមប្រាមបន្ទាប់ពីបរាជ័យក្នុងការធ្វើតេស្តថ្នាំក្នុងឆ្នាំ២០១៨។ UWF បានសរសេរបង្ហោះ នៅ លើ Facebook ថា “ វា ជា ការ សោកសៅ ជា ខ្លាំង ដែល យើង ប្រាប់ អ្នក ថា បេះដូង របស់ ម្ចាស់ កីឡា ដែល មានគុណធម៌ របស់ អ៊ុយក្រែន។ យើង សូម ចូលរួម រំលែក ទុក្ខ យ៉ាង ស្មោះ ចំពោះ ក្រុម គ្រួសារ និង អ្នក រាល់ គ្នា ដែល បាន ស្គាល់Oleksandr” ៕ (រូបភាព ៖ BBC Sport)