ភ្នំពេញ៖​ បុរសម្នាក់បេីកឡាំប្រឺតាាមដងផ្លូវសុខៗស្រាប់តែមានរថយន្តឡិចស៉ីសRX300មួយគ្រឿងបេីកបរក្នុងល្បឿនលឿនមកពីក្រោយជ្រុលបុករុញទៅគាបជាប់ដេីមពុទ្ធ្រាបណ្តាលឱ្យរងការខូចខាតហេីយរថយន្តបង្កបានបេីកគេចខ្លួនបាត់។

ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីព្រឹកថ្ងៃទី៨​ ខែឧសភា​ ឆ្នាំ២០២៤​ នៅចំណុចខាងត្បូងច្រកចូលសាលាសង្កាត់ចោមចៅទី២​ តាមបណ្តោយផ្លូវជាតិលេខ៣​ សង្កាត់ចោមចៅទី២​ ខណ្ឌពោធិ៍សែនជ័យ។

តាមប្រភពព័ត៌មានបានឱ្យដឹងថា​ មុនពេលកេីតហេតុគេបានឃេីញបុរសម្នាក់បេីកឡាំប្រឺតា​ ពណ៌ស​ ពាក់ស្លាកលេខភ្នំពេញ1JR 5374 ធ្វេីដំណេីរតាមបណ្តោយផ្លូវជាតិលេខ៣​ ក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែមានរថយន្តម៉ាកឡិចស៉ីសRX300មិនចាំស្លាកលេខធ្វេីដំណេីរមកពីក្រោយលឿនជ្រុលបុកពេញទំហឹងបណ្តាលឱ្យឡាំប្រឺតាទៅបុកគាបជាប់ដេីមពុទ្ធ្រា​រងការខូចខាតនិងធ្វេីឱ្យម្ចាស់រងរបួសស្រាល​ ដោយឡែករថយន្តបង្កបានបេីកគេចខ្លួនបាត់។

ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុដោយសារតែម្ចាស់ឡាំប្រឺតាមិនបានដាក់ពាក្យបណ្តឹងហេីយមិនមានប៉ះពាល់ដល់ទ្រព្យសម្បត្តិរដ្ឋទេីបប្រគល់ឱ្យម្ចាស់យកទៅជួលជុលខ្លួនឯង៕ដោយ៖សុខាសែនជ័យ