ខេត្តកំពង់ឆ្នាំង៖ នៅថ្ងៃទី២៣ ខែកក្កដា ឆ្នាំ២០១៦ លោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ចូលរួមបួងសួងនៅទួលប្រាសាទបុរាណ ព្រះអង្គបយុ (ហៅព្រះអង្គតុលាការ) ដែលស្ថិតនៅភូមិ វត្ដអង្គ ឃុំលង្វែក ស្រុកកំពង់ត្រឡាច ខេត្ដកំពង់ឆ្នាំង ។

នាឱកាសនោះផងដែរលោកស្រីក៏បានបួងសួងសូមឲ្យ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងបុត្រា បុត្រី បុត្រប្រសារ ចៅប្រុស ចៅស្រី ព្រមទាំងក្រុមគ្រួសារ និងថ្នាក់ដឹកនាំរដ្ឋសភា ថ្នាក់ដឹកនាំព្រឹទ្ធសភា និងប្រជាពលរដ្ឋទាំងអស់បានជួបតែសេចក្តីសុខ សេចក្តីចម្រើន សម្បូរសប្បាយ រុងរឿងជានិច្ចនិរន្ត និងសូមឲ្យប្រទេសកម្ពុជា មានការអភិវឌ្ឍន៍ ចៀសផុតពីគ្រោះរាំងស្ងួត មានទេសចរណ៍ចូលមកទស្សនាកម្ពុជាកាន់តែច្រើន ហើយចៀសផុតពីជម្ងឺកាចសាហាវផ្សេងៗ៕

ដោយ៖ សុខ ខេមរា