ភ្នំពេញ៖ ជនសង្ស័យម្នាក់ឡេីងទៅលេីផ្ទះប្រជាពលរដ្ឋប៉ុនប៉ងលួចទ្រព្យសម្បត្តិតែម្ចាស់ឃេីញតាមកាមេរ៉ាសុវត្តិភាពក៏ចាក់សោរខាងក្រៅហៅកម្លាំងប្រជាការពារមកឃាត់ខ្លួនប្រគល់ឱ្យសមត្ថកិច្ច។
ហេតុការណ៍នេះបានកេីតឡេីងកាលពីវេលាម៉ោង១០ព្រឹកថ្ងៃទី១១ ខែឧសភា ឆ្នាំ២០២៤ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុម្ចាស់ផ្ទះជួលបាននៅក្នុងខាងក្រោមបន្ទាប់មកស្រាប់តែឃេីញតាមកាមេរ៉ាសុវត្តិភាពមានជនសង្ស័យម្នាក់ឡេីងទៅបន្ទប់ជួលខាងលេីដោយសារទេមិនមែនជាអ្នកជួលនៅទីនោះម្ចាស់ផ្ទះក៏ចាក់សោរកាំជណ្តេីរខាងក្រោមរួចរាយការណ៍ទៅកម្លាំងប្រជាការពារសង្កាត់ដេីម្បីមកឃាត់ខ្លួនរួចប្រគល់ជូនសមត្ថកិច្ច។
ក្រោយឃាត់ខ្លួនឆែកឆេនៅលេីដងខ្លួនជនសង្ស័យមានឧបករណ៍សម្រាប់ប្រេីប្រាស់គ្រឿងញៀនមួយចំនួន។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមនីតិវិធី៕ដោយ៖សុខាសែនជ័យ
