ភ្នំពេញ៖ នាព្រឹកថ្ងៃទី២៥ ខែកក្កដា ឆ្នាំ២០១៦ នៅទីស្ដីការក្រសួងអប់រំ យុវជន និងកីឡា លោកបណ្ឌិត ហង់ ជូន ណារ៉ុន រដ្ឋមន្ត្រីក្រសួងអប់រំ យុវជន និងកីឡា អនុញ្ញាតឲ្យគណៈប្រតិភូ កីឡាករ កីឡាការិនីតំណាងព្រះរាជាណាចក្រកម្ពុជា ចូលជួបសម្តែងការគួរសម មុនពេលនឹងត្រូវចេញដំណើរទៅចូលរួមក្នុងការប្រកួតកីឡាអូឡាំពិក (Olympic Games Rio 2016) ដែលនឹងប្រព្រឹត្តទៅនៅប្រទេសប្រេស៊ីល ។

ក្នុងឱកាសនោះ លោករដ្ឋមន្ត្រីបានមានប្រសាសន៍ជូនពរ និងស្នើកីឡាករ កីឡាការិនីត្រូវយកចិត្តទុកដាក់ក្នុងការថែរក្សាសុខភាពឲ្យបានល្អ ជាពិសេសមិនត្រូវប្រព្រឹត្តអំពើណាមួយដែលនាំឲ្យប៉ះពាល់ដល់សេចក្ដីថ្លៃថ្នូររបស់ជាតិឡើយ។ លើសពីនេះ លោករដ្ឋមន្ត្រីក៏បានប្រគល់នូវថវិកាលើសទឹកចិត្តដល់កីឡាករ កីឡាការិនីទាំងអស់ផងដែរ៕

ដោយ៖ សីលា