ភ្នំពេញ៖ នាព្រឹកថ្ងៃទី២៥ ខែកក្កដា ឆ្នាំ២០១៦ នេះ នៅសាកលវិទ្យាល័យភូមិន្ទកសិកម្មចំការដូង សាខាកាកបាទក្រហមកម្ពុជា រាជធានីភ្នំពេញ ដឹកនាំដោយ លោកស្រី ឡោក ខេង អនុប្រធានគណៈកម្មាធិការសាខា សហការជាមួយសាកលវិទ្យាល័យភូមិន្ទកសិកម្ម រៀបចំអបអរសាទរកម្មវិធី «ភ្នែកភ្លឺល្អ កាត់បន្ថយគ្រោះថ្នាក់ចរាចរណ៍» ដោយមានការឧបត្ថម្ភពីហាងវែនតាអាយឃែរ ក្រុមហ៊ុនកញ្ចក់វែនតា Essilor ប្រទេសបារាំង និងកម្មវិធី 2.5NVG ប្រទេសបារាំង ដែលបានជួយដល់និស្សិតចំនួន ៤០០នាក់ ទទួលបានវែនតា ទាំងដង និងកញ្ចក់តំរូវតាមភ្នែក ក្នុងតម្លៃតែ ២០.០០០រៀល ។

នាឱកាសនោះ លោកស្រីអនុប្រធានគណៈកម្មាធិការសាខា បានគូសបញ្ជាក់ថា៖ កម្មវិធីនេះ គឺជាការបង្ហាញនូវទឹកចិត្តមនុស្សធម៌ដើម្បីជួយដល់និសិ្សតដែលពុំមានលទ្ធភាពទិញវែនតានៅតាមហាងដែលមានតម្លៃខ្ពស់ប្រើ អាចមានលទ្ធភាពទិញវែនតាប្រើបានដើម្បីថែរក្សាសុខភាពភ្នែកក្នុងការសិក្សា និងចូលរួមការមើលឃើញច្បាស់ក្នុងពេលបើកបរដើម្បីសុវត្ថិភាពទាំងអស់គ្នា ៕

ដោយ៖ សីលា