គ្រូបង្វឹកសញ្ជាតិបារាំងលោក Didier Deschamps បានប្រកាសក្រុមកីឡាករ២៥នាក់របស់គាត់សម្រាប់ត្រៀមព្រឹត្តិការណ៍ Euro 2024 ជាមួយនឹងក្រុមរបស់គាត់ដោយមិនសង្ស័យថា ជាក្រុមមួយក្នុងចំណោមក្រុមដែលកំពុងប្រជែងខ្លាំងក្នុងការឈ្នះពានមួយនេះ ។
ខ្សែប្រយុទ្ធ Kylian Mbappe តាមការរំពឹងទុកនឹងធ្វើជាប្រធានក្រុមនាំមុខក្នុងបញ្ជីក្រុមជម្រើសជាតិបារាំងសម្រាប់ព្រឹត្តិការណ៍ខាងលើ។ ខ្សែការពារ Ferland Mendy របស់ Real Madrid និង N’Golo Kanté ដែលបានចូលរួមជាមួយក្រុម Al-Ittihad ក្នុងខែកក្កដា ឆ្នាំ២០២៣ ត្រូវបានកោះហៅមកក្រុមវិញ បន្ទាប់ពីអវត្តមានរយៈពេល២ឆ្នាំ។
បន្ថែមពីលើឈ្មោះទាំង២នាក់ខាងលើ កីឡាករចំណូលថ្មីក្នុងក្រុមគឺខ្សែបម្រើស្លាបរបស់ PSG កីឡាករ Bradley Barcola ដែលមិនទាន់ឈ្នះពានសម្រាប់ក្រុមមាន់គកបារាំង ហើយកំពុងបង្ហាញខ្លួនជាលើកដំបូងក្នុងក្រុមក្នុងពេលសម្រាប់ព្រឹត្តិការណ៍នៅប្រទេសអាល្លឺម៉ង់ឆ្នាំនេះ។
ទោះបីជាត្រូវបានអនុញ្ញាតឱ្យកីឡាករ២៦នាក់ក្រោមបទប្បញ្ញត្តិថ្មីរបស់ UEFA ក៏ដោយក៏បញ្ជីរបស់ប្រទេសបារាំងគឺសម្រាប់តែកីឡាករ២៥នាក់ប៉ុណ្ណោះ ហើយលោក Deschamps បានសម្រេចចិត្តពឹងផ្អែកលើកីឡាករទាំង៣រូបគឺ Aurélien Tchouameni, Mike Maignan និង Kingsley Coman។ ទោះជាយ៉ាងណា Lucas Hernandez អវត្តមានដោយសារបញ្ហាជង្គង់រយៈពេលយូរ។
ត្រូវប្រឈមមុខនឹងប៉ូឡូញ ហូឡង់ និងអូទ្រីសក្នុងពូល D ក្រុមបារំាំងនឹងមិនងាយស្រួលនោះទេសម្រាប់វគ្គជម្រុះតាមពូល ប៉ុន្តែបារាំងនៅតែជាក្រុមដែលពេញនិយមបំផុតរបស់ការប្រកួត។ ខាងក្រោមនេះគឺជាបញ្ជីឈ្មោះកីឡាករបារាំងទាំង២៥រូបសម្រាប់ត្រៀមខ្លួនប្រកួតយូរ៉ូឆ្នាំនេះនៅអាល្លឺម៉ង់៖
អ្នកចាំទី៖ Alphonse Areola (West Ham), Mike Maignan (AC Milan), Loic Samba (RC Lens)
ខ្សែការពារ៖ Jules Kounde (Barcelona), Jonathan Clauss (Marseille), Benjamin Pavard (Inter), Ibrahima Konaté (Liverpool), Dayot Upamecano (Bayern Munich), William Saliba (Arsenal), Theo Hernandez (AC Milan), Ferland Mendy (Real Madrid)។
ខ្សែបម្រើ៖ Eduardo Camavinga (Real Madrid), Youssouf Fofana (Monaco), N’Golo Kante (Al-Ittihad), Adrien Rabiot (Juventus), Warren Zaïre-Emery (PSG), Aurelien Tchouaméni (Real Madrid), Antoine Griezmann (Atletico Madrid)។
ខ្សែប្រយុទ្ធ៖ Ousmane Dembele (PSG), Olivier Giroud (AC Milan/LAFC), Randal Kolo Muani (PSG), Kylian Mbappe (PSG), Marcus Thuram (Inter), Kingsley Coman (Bayern Munich), Bradley Barcola (PSG) ៕ (រូបភាព ៖ Marca)
