ក្លិបតោខៀវ Chelsea កំពុងពិភាក្សាដើម្បីតែងតាំងអ្នកចាត់ការទូទៅ Leicester City បច្ចុប្បន្នលោក Enzo Maresca ជាអ្នកជំនួសលោកលោក Mauricio Pochettino ដែលត្រូវក្លិបបញ្ចប់កុងត្រា។

បុរសជនជាតិអ៊ីតាលីវ័យ៤៤ឆ្នាំរូបនេះបានចូលដឹកនាំក្រុម Leicester ក្នុងខែមិថុនា ឆ្នាំ២០២៣ ហើយទើបតែបានដឹកនាំពួកគេត្រឡប់ទៅ Premier League វិញដោយឈ្នះជើងឯកនៅការប៉ុនប៉ងលើកដំបូង។

លោក Maresca ចាប់អារម្មណ៍ក្នុងការផ្លាស់ទៅ Chelsea ជាមួយនឹងការពិភាក្សាបន្តរវាងក្លិបទាំងពីរ២៤ម៉ោងបន្ទាប់ពីអ្នកចាត់ការទូទៅរបស់ក្លិប Ipswich Town លោក Kieran McKenna បានបោះបង់ការប្រជែងសម្រាប់តួនាទីនេះ។

អតីតអ្នកចាត់ការទូទៅរបស់ Brighton លោក Roberto de Zerbi និងលោក Thomas Frank របស់ Brentford មិនត្រូវបានក្លិបបដិសេធទាំងស្រុងនោះទេ ប៉ុន្តែមានការយល់ស្របជាមួយនឹងភាគរយខ្ពស់នៅទូទាំងក្លិបថា លោក Maresca គឺជាជម្រើសដ៏ត្រឹមត្រូវ។

Chelsea នឹងត្រូវបង់ថ្លៃសំណងសម្រាប់ជម្រើសណាមួយដែលនៅសល់របស់ពួកគេ។ លោក Pochettino បានចាកចេញពីក្លិបដោយការយល់ព្រមទៅវិញទៅមកកាលពីសប្តាហ៍មុន បន្ទាប់ពីបានបញ្ចប់ក្នុងចំណាត់ថ្នាក់លេខ៦ក្នុងក្របខ័ណ្ឌ Premier League ក្នុងការដឹកនាំមួយរដូវកាលរបស់គាត់។

សារព័ត៌មាន BBC Sport ផ្សាយថា Leicester នឹងស្វែងរកសំណងពី៨លានផោន ទៅ ១០លានផោនសម្រាប់លោក Maresca ដែលបានបម្រើការបង្វឹកគ្រូបង្វឹករបស់គាត់ជាជំនួយការរបស់លោក Pep Guardiola នៅ Manchester City។ កិច្ចព្រមព្រៀងសម្រេចបានឬអត់ អាស្រ័យលើឆន្ទៈរបស់ Chelsea ក្នុងការបង់ថ្លៃបែបនេះ។ ទោះជាយ៉ាងណាពួកគេបានប្ដេជ្ញាថានឹងយល់ព្រមលើកញ្ចប់សំណងនៅប៉ុន្មានថ្ងៃខាងមុខ ៕ (រូបភាព ៖ BBC Sport)