ភ្នំពេញ៖ នៅថ្ងៃទី ២៥ ខែកក្កដា ឆ្នាំ២០១៦នេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់រដ្ឋសភានៃព្រះរាជាណាចក្រកម្ពុជាអញ្ជើញមកបំពេញទស្សនកិច្ចជាផ្លូវការ និងមិត្តភាព នៅសាធារណរដ្ឋប្រជាមានិតចិន ។

ក្នុងជំនួបជាមួយលោក អ៊ី ចឹងសឹង ប្រធានសភាប្រឹក្សានយោបាយប្រជាជនចិន ក៏ដូចជាជំនួបទ្វេភាគីជាមួយ លោក ចាង តឺជាង ប្រធានសភាតំណាងប្រជាជនចិន។ ភាគីទាំងពីរ បានផ្តោតសារៈសំខាន់ទៅលើ ការពង្រឹងចំណងមិត្តភាពស្អិតរមូត រឹងមាំយូរអង្វែង និងកិច្ចសហប្រតិបត្តិការ ក្នុងភាពជាដៃគូរយុទ្ធសាស្រ្តគ្រប់ជ្រុងជ្រោយ ដើម្បីនាំមកនូវវិបុលភាពទាំងអស់គ្នា និងរួមចំណែកថែរក្សានូវសន្តិភាព សន្តិសុខ ស្ថិរភាព និងអភិវឌ្ឍន៍ ទាំងក្នុងតំបន់ និងសកលលោក៕

ដោយ៖ សុវណ្ណារ៉ា