ភ្នំពេញ៖ កម្លាំងនគរបាលប្រឆាំងគ្រឿងញៀនក្រសួងមហាផ្ទៃចុះប្រតិបត្តិការបង្ក្រាបផ្ទះមួយកន្លែងដោយបាញ់មួយគ្រាប់ឡើងលើ រួចធ្វើការឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀនបានប្រុសស្រី៦នាក់ និងថ្នាំញៀន៤កញ្ចប់តូច ២កញ្ចប់ធំ។

ករណីចុះបង្ក្រាបគ្រឿងញៀននេះធ្វើឡើងនៅវេលាម៉ោង១២ និង៤៥នាទីថ្ងៃត្រង់ទី២៦ ខែកក្កដា ឆ្នាំ២០១៦ នៅតាមបណ្តោយផ្លូវលេខ១១៣ ផ្ទះលេខ២៦អា ក្នុងសង្កាត់បឹងកេងកង២ ខណ្ឌចំការមន រាជធានីភ្នំពេញ។

បច្ចុប្បន្នជនសង្ស័យខាងលើរួមទាំងវត្ថុតាងត្រូវបានបញ្ជូនទៅអគ្គនាយកដ្ឋានក្រសួងមហាផ្ទះដើម្បីកសាងសំណុំចាត់ការតាមនីតិវិធី៕

ដោយ៖ ស រស្មី