កីឡាកររបស់ក្លិប Manchester City បាន ឆ្លៀតទៅលេងនៅមហាកំផែងរបស់ប្រទេស ចិនដើម្បីថតបង្ហាញម៉ូដសម្លៀកបំពាក់ថ្មីសម្រាប់រដូវកាលថ្មីរបស់ពួកគេ ។

ខ្សែប្រយុទ្ធ Aguero បានបង្ហាញរូបថតរបស់ខ្លួនជាមួយនឹងកីឡាករ Otamendiនៅមហាកំផែងចិនហើយធ្វើឲ្យក្រុមអ្នកគាំទ្ររបស់ក្រុម Manchester Cityសង្ឃឹមថា មិត្តរួមក្រុមសញ្ជាតិអាហ្សង់ទីនទាំង២នាក់នេះនឹងអាចជួយនាំជោគជ័យនៅក្នុងក្របខ័ណ្ឌអង់គ្លេស Premier League ក្រោម ការដឹកនាំរបស់លោកPep Guardiola ។

ចំណែកកីឡាករ James Horsfield, Samir Nasri និង Kelechi Iheanacho ក៏ បានចូលរួមថតរូបបង្ហាញសម្លៀកបំពាក់ជាមួយនឹងកីឡាករ Agueroនិង Otamendi ផងដែរ ។

ក្រុម Manchester City ត្រូវប៉ះក្រុម Manchester United នៅក្នុងកម្មវិធីមិត្តភាពកម្តៅសាច់ដុំក្នុងទីក្រុងប៉េកាំង ប្រទេសចិន។ ប្រកួតដំបូងរបស់ Man Cityក្រោមការដឹក នាំរបស់ Pep Guardiolaគឺប្រកួតចាញ់ក្រុមBayern Munich ដោយលទ្ធផល ១-០ កាលពីថ្ងៃទី២០ ខែកក្កដា ឆ្នាំ២០១៦ ៕

ដោយ៖ ដេវីត