ខ្សែបម្រើ Aleksandar Pavlovic ដែលកំពុងលេងឲ្យក្លិប Bayern Munich ត្រូវបានជំនួសដោយកីឡាករ Emre Can ក្នុងក្រុមជម្រើសជាតិអាល្លឺម៉ង់សម្រាប់ព្រឹត្តិការណ៍ Euro 2024 បន្ទាប់ពីត្រូវបានដកចេញដោយសារខ្សែបម្រើរូបនេះឆ្លងជំងឺ tonsillitis ។

Pavlovic វ័យ២០ឆ្នាំទើបតែបានបង្ហាញខ្លួនជាជម្រើសជាតិជាលើកដំបូងនៅថ្ងៃទី៣ ខែមិថុនា អំឡុងពេលប្រកួតស្មើ ០-០ ជាមួយអ៊ុយក្រែន ប៉ុន្តែគាត់ត្រូវបានគេដាក់ឈ្មោះនៅក្នុងក្រុមពេញលេញក្រោមការដឹកនាំរបស់លោក Julian Nagelsmann សម្រាប់ការប្រកួតនេះ។

កីឡាកររូបនេះបានខកខានការទទួលជ័យជម្នះ ២-១ ទល់នឹងក្រិកកាលពីថ្ងៃសុក្រ ហើយត្រូវបានបង្ខំឱ្យដកខ្លួនចេញពីក្រុមដែលមានជំងឺ tonsillitis ។ អតីតខ្សែបម្រើក្រុម Liverpool កីឡាករ Emre Can បានជំនួសខ្សែបម្រើខាងលើនេះ។

គ្រូបង្វឹកជម្រើសជាតិអាល្លឺម៉ង់លោក Nagelsmann បាននិយាយថា “យើងចង់បានកីឡាករ៦នាក់ទៀតនៅក្នុងក្រុម ហើយដូច្នេះបានសម្រេចចិត្តតែងតាំង Emre Can ឡើងវិញ។ យើងចង់មានកីឡាករម្នាក់ទៀតក្នុងក្រុមដែលបានលេងច្រើនដែលចេះទប់ទល់នឹងសម្ពាធ”។

Can វ័យ៣០ឆ្នាំបានលេង៤៣ដងសម្រាប់ប្រទេសអាឡឺម៉ង់ហើយត្រូវបានជ្រើសរើសជាអ្នកជំនួស Pavlovic មុនពេលខ្សែបម្រើ Leon Goretzka របស់ Bayern Munich។

គួរបញ្ជាក់ថា ព្រឹត្តិការណ៍បាល់ទាត់ទ្វីបអឺរ៉ុប ឬហៅថា យូរ៉ូ នៅឆ្នាំនេះត្រូវបានធ្វើឡើងនៅប្រទេសអាល្លឺម៉ង់ ហើយក្រុមម្ចាស់ផ្ទះមួយនេះនឹងចាប់ផ្តើមការប្រកួតបើកឆាកជាមួយស្កុតឡេននៅថ្ងៃទី១៤ ខែមិថុនានៅទីក្រុង Munich ៕ (រូបភាព ៖ BBC Sport)