ខេត្តកំពង់ស្ពឺ៖ នគរបាលស្រុកសំរោងទងសហការជាមួយការិយាល័យជំនាញបានធ្វើការឃាត់ខ្លួនជនសង្ស័យជាមុខសញ្ញាជួញដូរថ្នាំញៀនម្នាក់ពេលកំពុងធ្វើសកម្មភាពបញ្ជូនទៅកាន់សលាដំបូងដើម្បីចាត់ការតាមច្បាប់។

លោកវរសេនីយ៍ទោ ឃុត សុផល ឣធិការនគរបាលស្រុកបានឲ្យដឹងនៅព្រឹកថ្ងៃទី២៧ ខែកក្កដា ឆ្នាំ២០១៦ថា ការឃាត់ខ្លួននេះធ្វើឡើងកាលពីវេលាម៉ោង៨ និង១៥នាទីយប់នៅថ្ងៃទី២៦ ខែកក្កដា ឆ្នាំ២០១៦ ដោយកម្លាំងផ្នែកប្រឆាំងគ្រឿងញៀនសហការជាមួយកម្លាំងព្រហ្មទណ្ឌស្រុករបស់លោក បានធ្វេីការល្បាតនៅតាមផ្លូវលេខ41 នៅចំណុចមុខសាលាវិទ្យាល័យអង្គមេត្រី ស្ថិតនៅភូមិស្រែត្រោក ឃំុសែនដី ស្រុកសំរោងទង ខេត្តកំពង់ស្ពឺ។

លោកឣធិការបន្តថា ក្រោយពីកម្លាំងរបស់លោកបានឃាត់មុខសញ្ញាសង្ស័យជួញដូរ និងរក្សាទុកនូវសារធាតុញៀនបានម្នាក់ឈ្មោះ ភួង សាយឿន ហៅយ៉ត ភេទប្រុស អាយុ៣០ឆ្នាំ មានទីលំនៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ ។

លោក ឃុត សុផល បន្តថា ក្រោយមកបានធ្វេីការឆែកឆេរលើខ្លួនជនសង្ស័យពេលនោះរកឃើញ គ្រឿងញៀនចំនួន៣កញ្ចប់មធ្យម  ទូរសព្ទ័ដៃ១គ្រឿងម៉ាក់ សាំសុង ពណ៌ខ្មៅ និងម៉ូតូ ១គ្រឿងម៉ាកSL ពណ៌ស ពាក់ស្លាកលេខភ្នំពេញ 1CN-9810 ។

ករណីនេះលោកបានចាត់កម្លាំងជំនាញឲ្យកសាងសំណុំរឿង ដើម្បីចាត់ការតាមនីតិវិធី និងសុំយោបល់លោកស្នងការងធ្វើការឆែកឆេរផ្ទះជនសង្ស័យនៅរសៀលថ្ងៃទី២៧ ខែកក្កដា ឆ្នាំ២០១៦នេះបន្តទៀត៕

ដោយ៖ សេនាស័ក្តិ