ភ្នំពេញៈ បុរសម្នាក់បានបេីករថយន្តតូយ៉ូតាព្រុសក្នុងល្បឿនលឿន រេចង្កូតឡើងចិញ្ចើមផ្លូវជ្រុលទៅបុកនិងបង្គោលស្លាកសញ្ញាចរាចរណ៍ និងបង្គោលទង់ជាតិ បាក់រងការខូចខាត ។
ហេតុការណ៍នេះដែរបានកេីតឡើងនៅវេលាម៉ោង៣និង២៥នាទីយប់ រំលងចូលថ្ងៃទី១៩ ខែមិថុនា ឆ្នាំ២០២៤ ទល់មុខវត្តមហាមន្ត្រី ផ្លូវព្រះសីហនុ សង្កាត់អូឡាំពិក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឱ្យដឹងថា មុនពេលកេីតហេតុ គេបានឃើញបុរសម្នាក់បានបេីករថយន្តតូយ៉ូតាព្រុស ពណ៌ស ពាក់ស្លាកលេខ ភ្នំពេញ 2AF 5880 បានបេីកធ្វើដំណើរតាមបណ្ដោយផ្លូវ ព្រះសីហនុ ទិសដៅពីលិចទៅកេីត ក្នុងល្បឿនលឿន លុះមកដល់ចំនុចកេីតហេតុ ក៏ស្រាប់តែរេចង្កូតទៅខាងស្ដាំដៃឡើងចិញ្ចើមផ្លូវហេីយរថយន្ដបន្តទៅបុកនិងបង្គោលស្លាកសញ្ញាចរាចរណ៍និងបង្គោលទង់ជាតិនៅមុខរបងវត្ត បណ្ដាលឱ្យបាក់រលំរងការខូចខាតអស់ចំនួន២បង្គោល ព្រមទាំងធ្វើអោយរថយន្តរងការខូចខាតខ្ទេចផែ្នកខាងមុខចំហៀងខាងស្តាំ ទៅមុខលែងរួច ។
ប្រភពបន្តទៀត ក្នុងហេតុការណ៍នេះដែរមិនអោយមានគ្រោះថ្នាក់ដល់មនុស្សនោះទេ គ្រាន់តែអ្នកបេីកបរសង្ស័យស្រវឹងតែប៉ុណ្ណោះ ។
ក្រោយពេលកេីតហេតុ ដោយសារតែប៉ះពាល់សម្បត្តិសាធារណៈរថយន្ដត្រូវសមត្ថកិច្ចជំនាញស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ៖សុខាសែនជ័យ
