ជាផ្លូវការហើយក្រុមសេះបង្កង់ Juventus បានសម្រេចជោគជ័យក្នុងការទិញខ្សែប្រយុទ្ធ អន្តរជាតិអាហ្សង់ទីន Gonzalo Higuain ពី ក្រុម Napoli នៅក្នុងក្របខ័ណ្ឌអុីតាលី Serie A ដូចគ្នាក្នុងតម្លៃខ្លួនរហូតដល់ទៅ៩០លានអឺរ៉ូស្មើនឹង៩៨,៨លានដុល្លារអាមេរិក។

ខ្សែប្រយុទ្ធវ័យ២៨ឆ្នាំ Higuain បានចុះ ហត្ថលេខាលេងឲ្យក្រុម Juventus ម្ចាស់ ជើងឯកប្រទេសអីុតាលីចំនួន៥ឆ្នាំដែលធ្វើឲ្យគាត់អាចរកប្រាក់ចំណូលបាន៧លាន អឺរ៉ូក្នុងមួយឆ្នាំ ។

ក្រោយពីស៊ុតបាល់បានចំនួន៣៦គ្រាប់ក្នុងរដូវកាលចាស់ក្រុម Napoli បានដាក់ តម្លៃខ្លួនរបស់ Higuain ទៅដល់៩៤,៧ លានអឺរ៉ូ ប៉ុន្តែក្រុម Juventus បានចរចាចុះ មកត្រឹម៩០លានអឺរ៉ូ។ Higuain បានបំបែក កំណត់ត្រារបស់កីឡាករ Gunnar Nordah ដែលធ្លាប់បានស៊ុតបាល់៣៥គ្រាប់ក្នុងមួយរដូវកាលឲ្យក្រុម AC Milan កាលពីឆ្នាំ ១៩៥០ ។

តម្លៃខ្លួនផ្ទេរនេះគឺជាតម្លៃខ្ពស់បំផុតមិនធ្លាប់មានចំពោះការផ្ទេរពីក្រុម២ក្នុងក្រប ខ័ណ្ឌ Serie A ហើយ ក៏ជាតម្លៃខ្លួនខ្ពស់លំដាប់ លេខ៣បន្ទាប់ពីកីឡាករ Cristiano Ronaldo និង Gareth Bale ។

ក្រុមសេះបង្កង់បានទិញកីឡាករមករួមក្រុមជាច្រើនផ្សេងទៀតដូចជា Miralem Pjanic, Marko Pjaca, Medhi Benatia និង Dani Alves ៕

ដោយ៖ ដេវីត