ព្រឹត្តិការណ៍ Euro 2024 ឈានចូលដល់ថ្ងៃប្រកួតចុងក្រោយក្នុងពូលហើយ ដោយមានក្រុមចំនួន៤ដែលបានកក់កៅអីទៅវគ្គ១៦ក្រុមចុងក្រោយ ក្នុងចំណោម២៤ក្រុម។ តំណែងចុងក្រោយក្នុងក្រុមទាំង៥នៅតែស្ថិតក្នុងការដណ្តើមយក ដែលកំណត់គូប្រកួតដែលមានសក្តានុពលក្នុងវគ្គជម្រុះ។ មានកន្លែងចំនួន៤ដែលអាចរកបានក្នុងវគ្គ១៦ក្រុមចុងក្រោយសម្រាប់អ្នកបញ្ចប់ចំណាត់ថ្នាក់លេខ៣ល្អបំផុត ដែលអាចនាំឱ្យមានស្ថានភាពនៃក្រុមមួយ ឬច្រើនដែលត្រូវឆ្លងកាត់ដោយមាន២ពិន្ទុ ខណៈដែលក្រុមផ្សេងទៀតអាចខកខានបើទោះបីជាទទួលបាន៤ពិន្ទុ ប៉ុន្តែបញ្ចប់ក្នុងចំណាត់ថ្នាក់លេខ៤ក្នុងពូលរបស់ពួកគេ។

ប្រសិនបើក្រុមមានកម្រិតលើពិន្ទុ ពួកគេនឹងត្រូវបានបំបែកនៅលើកំណត់ត្រានាំមុខ ភាពខុសគ្នានៃគ្រាប់បាល់ បន្ទាប់មកគ្រាប់បាល់ស៊ុតបញ្ចូលទី បន្ទាប់មកពិន្ទុតាមវិន័យ ហើយបន្ទាប់មកទៀតចំណាត់ថ្នាក់ជម្រុះរបស់ពួកគេ។

ពូល A

– អាឡឺម៉ង់បានឆ្លងផុត និងធានាបាននូវការបញ្ចប់លេខ១ក្នុងកំពូល ដោយអាល្លឺម៉ង់បានប្រកួតស្មើជាមួយស្វីសក្នុងការប្រកួតជម្រុះចុងក្រោយក្នុងពូលនេះ។

– ស្វីសបានឆ្លងទៅវគ្គ១៦ក្រុមចុងក្រោយ ជាមួយអាល្លឺម៉ង់ ខណៈស្កុតឡេនបានធ្លាក់ចេញហើយ ដោយឈរបាតតារាងក្នុងពូល ខណៈហុងគ្រីឈរលេខ៣ក្រោយឈ្នះស្កុតឡេន១ទល់០។ 

– ស្កុតឡេនបានបរាជ័យ ស្របពេលដែលស្វីសចាញ់អាល្លឺម៉ង់ ហើយបន្តចាញ់ហុងគ្រីទៀត ដោយមានតែ១ពិន្ទុប៉ុណ្ណោះពីការប្រកួតវគ្គជម្រុះក្នុងពូល គឺស្មើ១ និងចាញ់២ ដែលផ្តល់ឱ្យពួកគេមិនអាចឆ្លងផុតវគ្គចែកពូលបានឡើយ។

ពូល B

– អេស្ប៉ាញបានឡើងដល់វគ្គ១៦ក្រុមចុងក្រោយរួចហើយ ហើយនឹងបញ្ចប់ក្នុងនាមជាក្រុមឈ្នះ ដោយសារការយកឈ្នះលើក្រុមចំណាត់ថ្នាក់លេខ២អ៊ីតាលី។

– អ៊ីតាលីត្រូវគេចពីការចាញ់ក្រូអាត ដើម្បីបញ្ចប់ក្នុងនាមជាក្រុមរងក្នុងពូល។ ពួកគេនឹងអវត្តមាន ប្រសិនបើពួកគេចាញ់ ហើយអាល់បានីបានផ្តួលអេស្ប៉ាញ។ 

– អាល់បានីអាចបញ្ចប់ជាជើងឯករងប្រសិនបើពួកគេយកឈ្នះអេស្ប៉ាញ ហើយក្រូអាតយកឈ្នះអ៊ីតាលី។ ពួកគេនឹងចេញក្រៅប្រសិនបើពួកគេចាញ់ ហើយក្រូអាតឈ្នះ។

– ក្រូអាតក៏អាចបញ្ចប់ក្នុងចំណាត់ថ្នាក់ក្រុមរងក្នុងពូលបាន ប្រសិនបើពួកគេយកឈ្នះអ៊ីតាលី និងអាល់បានីមិនអាចយកឈ្នះអេស្ប៉ាញ។ ក្រូអាតនឹងត្រូវហាលអាវប្រសិនបើពួកគេស្មើ ហើយអាល់បានីឈ្នះអេស្ប៉ាញ។

ពូល C

– អង់គ្លេសនឹងឆ្លងផុតប្រសិនបើពួកគេមិនចាញ់ស្លូវេនី ឬប្រសិនបើដាណឺម៉ាកបរាជ័យក្នុងការផ្តួលស៊ែប៊ី។ អង់គ្លេសអាចឈរលើកំពូលតារាងដោយឈ្នះ ឬស្មើប្រសិនបើដាណឺម៉ាកមិនឈ្នះ។ អង់គ្លេសមិនអាចបញ្ចប់ត្រឹមលេខ៣បានទេ។

– ប្រសិនបើដាណឺម៉ាកឈ្នះស៊ែប៊ី ពួកគេនឹងឆ្លងផុត។ ប្រសិនបើអង់គ្លេសនិងស្លូវេនីទាំងពីរស្មើគ្នា ពួកគេនឹងបញ្ចប់ទី២ និងទី៣តាមរយៈគ្រាប់បាល់ស៊ុតបញ្ចូលទី។ ដាណឺម៉ាកនឹងត្រូវហាលអាវប្រសិនបើពួកគេចាញ់ ហើយស្លូវេនីមិនចាញ់។

-ស្លូវេនីអាចឡើងវគ្គ១៦ក្រុមចុងក្រោយដោយយកឈ្នះអង់គ្លេស។ ពួកគេនឹងឈរនៅលើកំពូលតារាងប្រសិនបើពួកគេឈ្នះ ហើយដាណឺម៉ាកធ្វើមិនបាន។ ប្រសិនបើពួកគេឈ្នះ ឬស្មើ ហើយលទ្ធផលត្រូវបានផ្គូផ្គងដោយអង់គ្លេស ពួកគេនឹងត្រូវបានបំបែកដោយគ្រាប់បាល់ស៊ុតបញ្ចូលទី។

– ស៊ែប៊ីក៏អាចឆ្លងផុតទៅវគ្គ១៦ក្រុមបានដែរ ដោយយកឈ្នះដាណឺម៉ាក ហើយប្រសិនបើស្លូវេនីមិនឈ្នះអង់គ្លេសបាន។ ស៊ែប៊ីនឹងត្រូវហាលអាវ ប្រសិនបើចាញ់ ឬស្មើ ហើយស្លូវេនីមិនចាញ់។

ពូល D

– ហូឡង់នឹងបញ្ចប់ក្នុងចំណាត់ថ្នាក់លេខ១ក្នុងពូល បើមិនចាញ់អូទ្រីស។ ពួកគេអាចឈរលើកំពូលតារាងប្រសិនបើពួកគេឈ្នះ ហើយបារាំងបរាជ័យក្នុងការផ្តួលប៉ូឡូញ។ ពួកគេក៏អាចឈ្នះក្នុងពូលជាមួយនឹងលទ្ធផលស្មើផងដែរ ប្រសិនបើបារាំងចាញ់ប៉ូឡូញ។

– បារាំងនឹងឡើងទៅឈរកំពូលតារាងដែរ ប្រសិនបើពួកគេជៀសវាងការចាញ់ប៉ូឡូញ។ ប្រសិនបើបារាំង និងហូឡង់ទទួលបានលទ្ធផលដូចគ្នា ពួកគេនឹងត្រូវបំបែកដោយគ្រាប់បាល់ខុសគ្នាជាដើម។

– ការឈ្នះសម្រាប់អូទ្រីសលើហូឡង់នឹងផ្តល់ឱ្យពួកគេនូវចំណាត់ថ្នាក់លេខ២ក្នុងពូល។ អូទ្រីសក៏អាចឈរកំពូលតារាងបានដែរប្រសិនបើពួកគេឈ្នះ ហើយបារាំងមិនឈ្នះ។

– ប៉ូឡូញ ត្រូវបានជម្រុះរួចហើយ ហើយមិនអាចឈានទៅវគ្គ១៦ក្រុមចុងក្រោយបានទេ។

ពូល E

ជាលើកដំបូងក្នុងប្រវត្តិសាស្ត្រជើងឯកទ្វីបអឺរ៉ុប ក្រុមទាំង៤គឺ រូម៉ានី បែលហ្ស៊ិក ស្លូវ៉ាគី និងអ៊ុយក្រែន ស្ថិតក្នុងកម្រិតមាន៣ពិន្ទុដូចគ្នាបន្ទាប់ពី២ប្រកួត។ ពួកគេទាំងអស់អាចបញ្ចប់ក្នុងមុខតំណែងណាមួយ ហើយក្រុមនីមួយៗដែលបរាជ័យអាចត្រូវហាលអាវ។

ពូល F

– ព័រទុយហ្គាល់បានរក្សាតំណែងរបស់ពួកគេក្នុងវគ្គ១៦ក្រុមចុងក្រោយរួចទៅហើយ ជាមួយនឹងចំណាត់ថ្នាក់លេខ១ក្នុងពូល។

– ទួរគីត្រូវជៀសវាងការចាញ់ទល់នឹងសាធារណរដ្ឋឆេកដើម្បីបញ្ចប់ក្នុងចំណាត់ថ្នាក់ក្រុមលេខ២ក្នុងពូល។

– សាធារណរដ្ឋឆេកអាចបញ្ចប់ក្នុងចំណាត់ថ្នាក់លេខ២ បើសិនជាពួកគេយកឈ្នះទួរគី។ ការឈ្នះអាចគ្រប់គ្រាន់ ប៉ុន្តែពួកគេនឹងហាលអាវប្រសិនបើពួកគេចាញ់។

– ហ្សកហ្ស៊ីអាចឈានទៅវគ្គបន្តបាន តែត្រូវយកឈ្នះព័រទុយហ្គាល់ ហើយប្រសិនបើសាធារណរដ្ឋឆេកក៏ឈ្នះជាមួយទួរគីដែរ នោះហ្សកហ្ស៊ីក៏នឹងត្រូវគិតគូរពីភាពខុសគ្នានៃគ្រាប់បាល់ផងដែរ។ ពួកគេអាចនឹងត្រឡប់ទៅផ្ទះវិញប្រសិនបើពួកគេចាញ់ ឬប្រសិនបើពួកគេស្មើ ហើយទួរគីមិនយកឈ្នះសាធារណរដ្ឋឆេកទេ ៕ (រូបភាព ៖ EURO2024)