គ្រូបង្វឹកលោក Jaime Lozano បាននិយាយបន្ទាប់ពីការទទួលជ័យជម្នះលើក្រុមចាម៉ៃកា ១-០ កាលពីថ្ងៃអាទិត្យក្នុងការប្រកួតវគ្គជម្រុះតាមពូលព្រឹត្តិការណ៍ Copa America ឆ្នាំ២០២៤ នៅអាមេរិក។
កីឡាករ Alvarez ដែលលេងឱ្យក្លិប West Ham United ក្នុងប្រទេសអង់គ្លេស និងជាកីឡាករដែលមានបទពិសោធន៍ច្រើនបំផុតក្នុងក្រុមម៉ិកស៊ីកូ បានដួលរងរបួសសរសៃពួររបស់គាត់នៅនាទីទី៣០ ហើយបានប្តូរចេញពីទីលានទាំងទឹកភ្នែកក្នុងការប្រកួតបើកឆាកពូល B របស់ពួកគេជាមួយនឹងក្រុមចាម៉ៃកាក្នុងទីក្រុង Houston ។
គ្រូបង្វឹកលោក Lozano បាននិយាយក្រោយការប្រកួតថា “យើងនឹងរង់ចាំ២-៣ថ្ងៃដើម្បីធ្វើតេស្តលើគាត់ ហើយដើម្បីដឹងច្បាស់ថាគាត់មានអ្វីកើតឡើង។ គាត់មានសារៈសំខាន់ណាស់ គាត់ជាអ្នកដឹកនាំ គាត់យល់ច្បាស់ពីការប្រកួត។ គាត់មានសារៈសំខាន់នៅលើទីលាន និងនៅក្នុងបន្ទប់ចាក់សោរផងដែរ។ អ្នកស្តាប់គាត់និយាយ គាត់មានវិធីជាមួយនឹងពាក្យ ហើយពេលគាត់និយាយ អ្នកស្តាប់។ នេះជាការវាយប្រហារដ៏លំបាកសម្រាប់យើងទាំងអស់គ្នា”។
ខ្សែការពារ Cesar Montes បានប្រាប់អ្នកយកព័ត៌មានដែរថា “វាមានសារៈសំខាន់ខ្លាំងណាស់ក្នុងការចាប់ផ្តើមដោយជើងស្តាំ ផ្តោតការយកចិត្តទុកដាក់ជានិច្ច រួមគ្នា ហើយឥឡូវនេះដំណឹងអាក្រក់តែមួយគត់គឺថាមិត្តរួមក្រុមរបស់យើងបានរងរបួសដែលយើងសង្ឃឹមថាមិនធ្ងន់ធ្ងរ ហើយអាចត្រលប់មកជាមួយពួកយើងវិញបាន ប៉ុន្តែស្ថានភាពទាំងនេះមិនសាមញ្ញទេ វេជ្ជបណ្ឌិតនឹងត្រូវវាយតម្លៃដើម្បីមើលថាតើគាត់អាចបន្តជាមួយយើងឬអត់សម្រាប់ការប្រកួតដែលនៅសល់ ដើម្បីដឹងពីការធ្វើរោគវិនិច្ឆ័យរបស់គាត់ ដោយមើលពីអ្វីដែលនឹងមកដល់”។
ការប្រកួតជម្រុះក្នុងពូល B សម្រាប់ព្រឹត្តិការណ៍ Copa America ឬពានរង្វាន់ប្រចាំតំបន់អាមេរិកខាង និងអាមេរិកកណ្តាលសម្រាប់សប្តាហ៍ទី២ គឺចាម៉ៃការត្រូវប៉ះអេក្វាឌ័រនៅ Las Vegas នៅថ្ងៃព្រឹកថ្ងៃព្រហស្បតិ៍ ខណៈម៉ិកស៊ីកូត្រូវប៉ះវេណេហ្ស៊ុយអេឡានៅ Inglewood រដ្ឋ California សហរដ្ឋអាមេរិក ៕ (រូបភាព ៖ Reuters/CNA)
