ភ្នំពេញ៖ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃសៅរ៍ទី២៧ ខែកក្កដា ឆ្នាំ២០២៤នេះ បានឱ្យដឹងថា កម្លាំងការិយាល័យនគរបាលកម្រិតស្រាល បានចុះស្រាវជ្រាវបង្រ្កាប និងឃាត់ខ្លួនជនសង្ស័យចំនួន ៣នាក់ជាបន្តបន្ទាប់ ក្នុងរយៈពេលពីរថ្ងៃ ពាក់ព័ន្ធករណីលួចម៉ូតូ (ដែលមុខសញ្ញាចាស់ទើបចេញពីពន្ធនាគារ ធ្វើសកម្មភាពលួចម៉ូតូ ចំនួន ៣ករណី)។
ជាក់ស្ដែងកម្លាំងការិយាល័យនគរបាលព្រហ្មទណ្ឌកម្រិតស្រាល បានសហការជាមួយសមត្ថកិច្ចអធិការដ្ឋាននគរបាលស្រុកត្រាំកក់ និងអធិការដ្ឋាននគរបាលស្រុកទ្រាំង នៃស្នងការដ្ឋាននគរបាលខេត្តតាកែវ ចាប់ពីថ្ងៃទី២៤ ដល់ថ្ងៃទី២៥ ខែកក្កដា ឆ្នាំ២០២៤ ជាលទ្ធផលកម្លាំងយើងបានស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន ០៣ នាក់ នៅចំណុចដីឡូតិ៍គ្មានលេខ ផ្លូវលេខ១៩៨០ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ,ផ្លូវជាតិលេខ៣ ភូមិអង្គក្រឡាញ់ ស្រុកត្រាំកក់ ខេត្តតាកែវ និង នៅភូមិបារាយណ៍ ឃុំព្រៃស្លឹក ស្រុកទ្រាំង ខេត្តតាកែវ ។
ករណីទី១- អំពើលួច(លួចយកម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៧ ពាក់ផ្លាកលេខភ្នំពេញ១GF-១៧១២) ប្រព្រឹត្តនៅចំណុចក្នុងក្រសួងសុខាភិបាលអគាលេខ៨០ ផ្លូវលេខ២៨៩ ក្រុម១៤ សង្កាត់ បឹងកក់២ ខណ្ឌទួលគោក រាជធានីភ្នំពេញ កាលពីថ្ងៃទី២៤ ខែមិថុនា ឆ្នាំ២០២៤ វេលាម៉ោងប្រហែល ០៩ និង ៣០ នាទី ។
ករណីទី២-អំពើលួច(លួចយកម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៤ ពាក់ផ្លាកលេខភ្នំពេញ១DF-០២៧៣) ប្រព្រឹត្តនៅចំណុចក្នុងក្រសួងព័ត៌មាន អគារAKP ផ្លូវលេខ៩៣ ភូមិ៦ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៩ ខែកក្កដា ឆ្នាំ២០២៤ វេលាម៉ោងប្រហែល ១០ និង ៣០ នាទី។
ករណីទី៣-អំពើលួច(លួចយកម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៦ ពាក់ផ្លាកលេខភ្នំពេញ១FR-៦៩៤៦) ប្រព្រឹត្តនៅចំណុចក្នុងវត្តសំពៅមាស ភូមិ៦ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី២៩ ខែកក្កដា ឆ្នាំ២០២៤ វេលាម៉ោងប្រហែល ០៥ និង ៣០ នាទី ។
ជនសង្ស័យរួមមាន:
១-ឈ្មោះ សន ធី ភេទ ប្រុស អាយុ ៦២ ឆ្នាំ ជនជាតិ ខ្មែរ
២-ឈ្មោះ ផាន់ វណ្ណា ហៅ វែង ភេទ ប្រុស អាយុ ៤៤ ឆ្នាំ ជនជាតិ ខ្មែរ
៣-ឈ្មោះ មា វណ្ណី ហៅ នី ភេទ ប្រុស អាយុ ៤៤ ឆ្នាំ ជនជាតិ ខ្មែរ
វត្ថុតាងចាប់យក:
១-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២០ លេខតួ លេខម៉ាស៊ីន ៥៦៧៦៩៧៥ ពាក់ផ្លាកលេខ កំពត ១U-២៤៩២
២-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៧ លេខតួ លេខម៉ាស៊ីន ៩៥៨៤៩៣០ ពាក់ផ្លាកលេខ ភ្នំពេញ ១FR-៦៩៤៦
៣-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៧ លេខតួ លេខម៉ាស៊ីន ៩៥០៧១៧៤ ពាក់ ផ្លាកលេខព្រៃវែង ១H-១៦៤៨
បច្ចុប្បន្នជនសង្ស័យទាំង០៣នាក់ រួមនិងវត្ថុតាងខាងលើ កំពុងឃាត់ខ្លួននៅការិយាល័យស្រាល ដើម្បីចាត់ការតាមនីតិវិធី៕អរុណរះ
