ខេត្តស្វាយរៀង៖ សមត្ថកិច្ចនគរបាលឃាត់ខ្លួន ជនសង្ស័យជនជាតិវៀតណាមម្នាក់ករណីប្រើហឹង្សា យកកាំបិតចាក់ទៅលើសង្សារបណ្ដាញអោយរបួស។
ហេតុការណ៍នេះបានកើតឡើងនៅវេលាម៉ោង៣និង៥០នាទីរសៀល ថ្ងៃទី៣០ ខែកក្តដា ឆ្នាំ២០២៤នៅចំណុចបន្ទប់លេខ២០៣ ផ្ទះសំណាក់ ល៊ុចសារី ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ចនគរបាលបានអោយដឹងថាជនសង្ស័យមានឈ្មោះ ប៊ួយ ដឺជីង ភេទប្រុសអាយុ២១ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅខេត្តហ្វាបិញ ប្រទេសវៀតណាម។
ចំណែកនារីរងគ្រោះមានឈ្មោះ ចឹង ធីហៀង អាយុ២៧ ឆ្នាំជនជាតិវៀតណាម មុខរបរមិនពិតប្រាកដ មានទីលំនៅឃុំវ៉ាងហ្វុក ស្រុកលីងយ៉ាង ខេត្តហាយយឿង។
ប្រភពបន្តថា ប៉ុស្ដិ៍នគរបាលរដ្ឋបាលបាវិត បានទទួលពាក្យបណ្តឹង០១ច្បាប់ពីរនារីរងគ្រោះ បានប្តឹងចោទប្រកាន់ទៅលើឈ្មោះ ប៊ួយ ដឺជីង (ត្រូវជាសង្សារ)ថា បានប្រើហឹង្សា និងយកកូនកាំបិតចុងស្រួចចាក់មកលើខ្លួនបណ្តាលឱ្យរបួសច្រើនកន្លែង នៅចំណុចបន្ទប់លេខ២០៣ ផ្ទះសំណាក់ ល៊ុចសារី ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ក្រោយពីទទួលពាក្យបណ្តឹងភ្លាម កម្លាំងសមត្ថកិច្ចប៉ុស្តិ៍រដ្ឋបាលបាវិត បានចុះទៅដល់កន្លែងកើតហេតុ និងបាននាំខ្លួនជនសង្ស័យយកមកសួរនាំ នៅប៉ុស្តិ៍រដ្ឋបាល នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបាន ប្រើហឹង្សា និងយកកូនកាំបិតចុងស្រួចចាក់ទៅលើឈ្មោះ ចឹង ធីហៀង ដែលត្រូវជាសង្សាររបស់របស់ខ្លួនពិតប្រាកដមែនដោយសារ មូលហេតុ: ខ្លួនខឹងសង្សារ និង ប្រច័ណ្ឌ។
បច្ចុប្បន្ន ជនសង្ស័យ សមត្ថកិច្ចកំពុងសួរនាំ នៅប៉ុស្តិ៍នគរបាលរដ្ឋបាលបាវិតដើម្បីកសាងសុំណុំរឿងចាត់ការតាមច្បាប់៕
