ខ្សែប្រយុទ្ធអន្តរជាតិអាហ្សង់ទីន Lionel Messi ដែលឈ្នះពានរង្វាន់កីឡាករល្អបំផុតរបស់ពិភពលោករហូតដល់ទៅ៥សម័យតែងតែត្រូវបានគេប្រៀបធៀបទៅនឹងវិរបុរសបាល់ទាត់កាលពីអតីតកាលដូចជា Pele និង Diego Maradona ជាដើម ។

ប៉ុន្តែពេលថ្មីៗនេះសម្តេចសង្ឃកាតូលិកPope Francis បានថ្លែងគាំទ្រដល់កីឡាករ Lionel Messi ថា គឺជាកីឡាករល្អដាច់គេលើពិភពលោកគឺល្អជាង Pele និង Diego Maradona ទៅទៀត។ សម្តេចសង្ឃ Pope Francis បានថ្លែងបែបនេះទៅកាន់ក្មេងវ័យជំទង់ប្រុសស្រីជាច្រើនដែលបានចូលរួមនៅក្នុងពិធីប្រារព្ធ ទិវាយុវជនពិភពលោក។

Messi ទទួលជោគជ័យច្រើនក្នុងវិស័យបាល់ទាត់ជាមួយនឹងក្រុមបាល់ទាត់អាជីព Barcelona ប៉ុន្តែរូបគាត់ពុំធ្លាប់បានជួយក្រុមជម្រើសជាតិអាហ្សង់ទីនឈ្នះជើងឯកធំណាមួយឡើយ។ គាត់ថែមទាំងប្រកាសលាឈប់ពីក្រុមជម្រើសជាតិក្រោយប្រកួតចាញ់ក្រុមឈីលីនៅវគ្គផ្តាច់ព្រ័ត្រ Copa America Centenario ទៀតផង៕

ដោយ៖ ដេវីត