ខេត្តកំពង់ស្ពឺ៖ នាព្រឹកថ្ងៃទី២ ខែសីហា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ ផ្លូវជាតិលេខ៤៤ ដែលស្ថិតក្នុងខេត្តកំពង់ស្ពឺ។

សូមបញ្ជាក់ថា ផ្លូវជាតិលេខ៤៤នេះ មានប្រវែង ១៣៨,៦១គីឡូម៉ែត្រ ដែលត្រូវបានសាងសង់ដោយក្រុមហ៊ុនសាជីវកម្មស្ពាន និង ថ្នល់ របស់សាធារណៈរដ្ឋប្រជាមានិចិន និងត្រួតពិនិត្យបច្ចេកទេសដោយក្រុមហ៊ុនសំណង់ក្វាងចូវ វ៉ានអានរបស់ប្រទេសចិនផងដែរ ហើយគម្រោងនៃស្តារឡើងវិញកំណាត់ផ្លូវជាតិលេខ៤៤ ក្នុងខេត្តកំពង់ស្ពឺនេះបានចាប់ផ្តើមត្រង់គីឡូម៉ែត្រលេខ៤៨ លើផ្លូវជាតិលេខ៤ឆ្លងកាត់ក្រុងច្បារមន និងក្រុមចំនួន៤របស់ខេត្តកំពង់ស្ពឺ ដែលក្នុងនោះមានស្រុក សំរោងទង ស្រុកឱរ៉ាល់ ស្រុកថ្ពង និងស្រុកឧត្តុង្គ តភ្ជាប់ជាមួយផ្លូវជាតិលេខ៥ ត្រង់គីឡូម៉ែត្រលេខ៣៩៕

ដោយ៖ សុវណ្ណារ៉ា