ភ្នំពេញ៖ ជនសង្ស័យម្នាក់ត្រូវបានសម្ថតកិច្ចដេញតាមចាប់បានភ្លាមៗក្រោយពីបានធ្វើសកម្មភាពកាច់សោ.កម៉ូតូពីបុរសម្នាក់ដែលកំពុងចតចោលចុះទៅច្រូតស្មៅ ។

ហេតុការណ៍នេះបានកើតឡើងកាលពីវេលាម៉ោង៣និង៤០នាទីថ្ងៃទី០១ ខែសីហា ឆ្នាំ២០១៦ ស្ថិតនៅភូមិអន្លង់គងចាស់សង្កាត់ព្រៃស ខណ្ខដង្កោ រាជធានីភ្នំពេញ។

តាមសម្តីពីជនរងគ្រោះដែលមានឈ្មោះ ចិត្រ រ៉ានី អាយុ២៨ឆ្នាំ មុខរបរនៅផ្ទះ ស្នាក់នៅកន្លែងកើតហេតុខាងលើបានប្រាប់ឲ្យដឹងថា រូបខ្លួនបាជិះម៉ូតូម៉ាកហុងដាឌ្រីម សេ១២៥ សេរី២០០៧ ពណ៌ខ្មៅ ដែលមានពាក់ស្លាកលេខ សៀមរាប 1F-7114 បានមកពីផ្ទះដើម្បីច្រូតស្មៅយកទៅឲ្យគោ ហើយរូបគាត់បានមកដល់កន្លែងហើយបានចតម៉ូតូនៅខាងលើហើបានចុះទៅច្រូតស្មៅស្រាប់តែកំពុងច្រូតក៏មានជនសង្ស័យ២នាក់បានមកឈប់នៅក្បែរម៉ូតូរបស់គាត់ហើយបានកាច់សោ.កម៉ូតូជិះគេចខ្លួនទៅរូបគាត់បានស្រែកឆោឡោដើម្បីឲ្យគេជួយ ហើយក៏ឮដល់សមត្ថកិច្ចខណ្ខដង្កោ បានដេញចាប់បាននៅមុខវត្តប្រធាតុ សង្កាត់រលួស ខណ្ឌដង្កោ។

ហើយជនសង្ស័យដែលឃាត់ខ្លួនបានមានឈ្មោះ ទ្រី ភាស់ អាយុ៣០ឆ្នាំ មុខរបរមិនពិតប្រាកដ ស្នាក់នៅផ្ទះជួលសង្កាត់ចោមចៅ ខណ្ខពោធិសែនជ័យ មានស្រុកកំណើតនៅខេត្តរតនគិរី ចំណែកបក្ខពួកម្នាក់ទៀតដែបានជិះម៉ូតូម៉ាកនិចនោះបានរត់គេចខ្លួនបាត់។

បច្ចុប្បន្នជនសង្ស័យដែលឃាត់ខ្លួនបាននោះបានបញ្ជូនទៅអធិការដ្ឋានខណ្ឌដង្កោធ្វើកាសាកសួរនិងកសាងសំណុំរឿងបញ្ចូនទៅតុលាការ៕

ដោយ៖ ជីម ភារ៉ា ដង្កោ