ភ្នំពេញ៖ កម្លាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានចុះបង្ក្រាបទីតាំងលាក់ទុក និងចែកចាយផលិតផលថ្នាំលាបសក់របស់ប្រទេសចិន កាលពីវេលាម៉ោង១០ និង៣០នាទីព្រឹកថ្ងៃទី៣ ខែសីហា ឆ្នាំ២០១៦ នៅចំណុចភូមិគោកចំប៉ក សង្កាត់ចោមចៅ ខណ្ឌពោធិ៍សែនជ័យ សង្ស័យគេចពន្ធ និងក្លែងក្លាយ ក៏ដូចជារំលោភកម្មសិទ្ធិបញ្ញា។

ប្រតិបត្តិការចុះបង្ក្រាបដឹកនាំដោយលោក អ៊ុំ មុនី អនុប្រធាននាយដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ និងមានការសម្របសម្រួលពីលោក លី សុផាន់ណា ព្រះរាជាអាជ្ញារង នៃអយ្យការអមសាលាដំបូងរាជធានីភ្នំពេញ។

បច្ចុប្បន្នសមត្ថកិច្ចកំពុងធ្វើការត្រួតពិនិត្យ ដើម្បីធ្វើកំណត់ហេតុដកហូតតាមនីតិវិធី កសាងសំណុំរឿងបញ្ជូនទៅសាលាដំបូង៕

ដោយ៖ តាឡឹម