ភ្នំពេញ៖ យុវជនម្នាក់បានរងរបួសបាក់ជើងស្តាំ ដោយសារជួបគ្រោះថ្នាក់ចរាចរណ៍រថយន្តកូរ៉ូឡាបើកបុកខណៈកំពុងបើកម៉ូតូឆ្លងផ្លូវ។

ករណីនេះកើតឡើងនៅវេលាម៉ោង៨ និង៤០នាទីយប់ថ្ងៃទី២ ខែសីហា ឆ្នាំ២០១៦ នៅតាមបណ្តោយផ្លូវជាតិ៤ ភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ ។

តាមសាក្សីអ្នកឃើញហេតុការណ៍បានឲ្យដឹងថា មុនពេលកើតហេតុគេឃើញ ម៉ូតូសង់សេ១២៥ ពណ៌ខ្មៅ ស៊េរី២០១៥ ពាក់ស្លាកលេខ1I-0698 ជិះដោយយុវជនម្នាក់តាមបណ្តោយផ្លូវជាតិលេខ៤ ទិសដៅពីលិចទៅកើត ខណៈមកដល់ចំណុចកើតហេតុក៏មានរថយន្តកូរ៉ូឡា មិនស្លាកលេខ បើកទិសដៅពីកើតទៅលិចក្នុងល្បឿនលឿន វ៉ាកអើបុកម៉ូតូចំពាក់កណ្តាល បណ្តាលឲ្យម្ចាស់ម៉ូតូរងរបួសបាក់ជើងស្តាំម្ខាង ហើយរថយន្តបានបន្តដំណើររត់គេចបាត់ស្រមោល ។

ក្រោយពេលកើតហេតុជនរងគ្រោះត្រូវបានរថយន្ត គ្លីនិកឯកជនមកដឹកទៅសង្គ្រោះ ចំណែកម៉ូតូជនរងគ្រោះសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលចោមចៅ ដើម្បីរក្សាទុករងចាំម្ចាស់មកទទួលយកទៅវិញ ៕

ដោយ៖ សុខាសែនជ័យ