ភ្នំពេញ ៖ ជនសង្ស័យចំនួន៣នាក់ត្រូវបានកម្លាំងព្រហ្មទណ្ឌខណ្ឌពោសែនជ័យ ដឹកនាំដោយលោក ម៉ន វុធី អធិការរងទទួលបញ្ជាពីលោក យឹម សារ៉ាន់ អធិការខណ្ឌពោធិ៍សែនជ័យ រួមជាមួយកម្លាំប៉ុស្តិ៍រដ្ឋបាលកន្ទោក ឆ្មក់បង្រ្គាបមុខសញ្ញាជាប់ពាក់ព័ន្ធទៅនឹងករណីជួញដូរគ្រឿងញៀន រួមជាមួយសម្ភារៈមួយចំនួនទៀត។

ការឆ្មក់បង្ក្រាបជនសង្ស័យជួញដូរគ្រឿងញៀនខាងលើនេះធ្វើឡើងកាលពីវេលាម៉ោង១១និង៣០នាទីព្រឹកថ្ងៃទី០៣ ខែសីហា ឆ្នាំ២០១៦ ស្ថិតនៅក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែបជ័យ ។

ជនសង្ស័យទាំង៣នាក់ខាងលើទី១-ឈ្មោះ សិទ្ធ រាជ្យ ភេទប្រុស អាយុ២២ឆ្នាំ មុខរបរកម្មកររោងចក្រ ស្នាក់នៅផ្ទះជួល ភូមិកើតហេតុ មានស្រុកកំណើត ភូមិនាងចាស់ ឃុំពោធិ៍អង្គ្រង ស្រុកបសេដ ខេត្តកំពង់ស្ពឺ  ជាអ្នកប្រើប្រាស់គ្រឿងញៀន ។ ទី២-ឈ្មោះ តឹក ឌូ ភេទប្រុស អាយុ២៧ឆ្នាំ ជាមេក្លោងជួញដូរក្នុងមូលដ្ឋាន ស្នាក់នៅភូមិ-សង្កាត់កើតហេតុ មានស្រុកកំណើតភូមិអូរលីវ ឃុំអូរលីវ ស្រុកព្រៃវែង ខេត្តព្រៃវែង  និងទី៣-ឈ្មោះ ជឹម ស្រស់ ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិត្រពាំងក្រសាំង ខណ្ឌពោធិ៍សែនជ័យ ជាអ្នកប្រើប្រាស់គ្រឿងញៀន ។

ប្រភពពីនគរបាលឲ្យដឹងថា បន្ទាប់ពីមានកិច្ចសហការណ៍ល្អជាមួយបងប្អូនប្រជាពលរដ្ឋ ហើយបន្ទាប់ពីមានកិច្ចស្រាវជ្រាវក្រោមបញ្ជារបស់លោក យឹម សារ៉ាន់ អធិការខណ្ឌពោធិ៍សែនជ័យ បង្ក្រាបទប់ស្កាត់រាល់បទល្មើសកើតមានក្នុងមូលដ្ឋាន ទើបកម្លាំងជំនាញអធិការដ្ឋានរួមជាមួយកមកលាំងប៉ុស្តិ៍កន្ទោក ត្រពាំងក្រសាំង តាមច្បាមចាប់មុខសញ្ញាជួញដូរគ្រឿងញៀន និងប្រើប្រាស់ នៅចំណុចខាងលើបាន៣នាក់ជាបន្តបន្ទាប់ ។

ប្រភពបន្តទៀតថា កាលពីវេលាម៉ោងខាងលើឃាត់ខ្លួនជនប្រើប្រាស់គ្រឿងញៀនបាន២នាក់ សាកសួបឋមរួចឈានទៅដល់ឃាត់ខ្លួនជនសង្ស័យម្នាក់ទៀតជាអ្នកជួញដូរ ចាប់យកថ្នាំញៀន៤១កញ្ចប់ ក្នុងនោះ ២កញ្ចប់ធំ ដែលជនសង្ស័យកឹបជាប់នឹងលុយសម្រាប់បំភ័ណ្ឌភ្នែកក្នុងការលក់ដូរ ។

ក្រោយពីឃាត់ខ្លួនជនសង្ស័យទាំង៣នាក់បាននាំខ្លួនទៅសាកសួរនៅផ្នែកជំនាញខណ្ឌពោធិ៍សែនជ័យ ដើម្បីកសាងសំណុំរឿងចាត់ការទៅតាមនីតិវិធី ៕

ដោយ៖ សុខាសែនជ័យ