ក្លិបManchester Cityបានសម្រេចជោគ ជ័យនាំយកខ្សែបម្រើអន្តរជាតិអាល្លឺម៉ង់ Leroy Sane ពីក្រុមSchalkeមកកាន់ប្រទេស អង់គ្លេសក្នុងតម្លៃ៣៧លានផោន។

ខ្សែបម្រើវ័យ២០ឆ្នាំរូបនេះចុះហត្ថលេខា លេងឲ្យក្រុមMan City រយៈពេល៥ឆ្នាំ។ លោក Pep Guardiolaគ្រូបង្វឹកសញ្ជាតិ អេស្ប៉ាញរបស់ក្លិប Man Cityបានថ្លែងថា “Leroy Sane គឺជាកីឡាករដែលមានទេពកោសល្យខ្ពស់់ដែលខ្ញុំគិតថាអ្នកគាំទ្ររបស់ យើងនឹងសប្បាយរីករាយទស្សនាការលេងរបស់គាត់” ។

លោក Guardiola បាននិយាយបន្ថែម ទៀតថា “គាត់មានបច្ចេកទេសនិងសមត្ថភាពអស្ចារ្យគួរឲ្យកោតសរសើរបំផុតនៅពេលគាត់លេងបាល់ទាត់ ។ គាត់មានល្បឿនលឿននិងអាចបង្កើតឱកាសស៊ុតបាល់ បញ្ចូលទីបានច្រើន ។ គាត់ខិតខំលេងខ្លាំង ណាស់ ថែមទាំងអាចស៊ុតបាល់បញ្ចូលទី បានទៀតផង ។ គាត់ទើបតែមានវ័យ២០ឆ្នាំ អាចជាប់ជម្រើសជាតិអាល្លឺម៉ង់ ខ្ញុំគិតថាគាត់ នៅមានពេលវេលាអភិវឌ្ឍខ្លួនច្រើនហើយក៏ជាទ្រព្យសម្បត្តិដ៏ល្អបំផុតរបស់ក្លិបដែរ” ។

គួរបញ្ជាក់ថា Leroy Sane បានជួយក្រុមជម្រើសជាតិអាល្លឺម៉ង់ទៅលេងវគ្កពាក់ កណ្តាលផ្តាច់ព្រ័ត្រនៃកម្មវិធីយូរ៉ូឆ្នាំ២០១៦ ក្នុងប្រទេសបារាំង។ សម្រាប់រដូវកាលចាស់ គាត់បានស៊ុតបាល់បាន៨គ្រាប់ក្នុងការ បង្ហាញខ្លួន៣៣ប្រកួតនៅក្របខ័ណ្ឌកំពូលរបស់អាល្លឺម៉ង់ជួយឲ្យក្រុម Schalkeជាប់ ចំណាត់ថ្នាក់លេខ៥ ៕

ដោយ៖ ដេវីត