ភ្នំពេញ: យុវជនពីរនាក់ផឹកស៊ីស្រវឹងជិះម៉ូតូឌុបគ្នាឆ្លងផ្លូវខ្វះការប្រុងប្រយ័ត្នត្រូវបានម៉ូតូមួយគ្រឿងជិះលឿនបុកបណ្ដាលដួលខ្ទៀតជាច្រើនម៉ែត្ររងរបួសធ្ងន់ស្រាលចំនួន៤នាក់ ។
ហេតុការណ៍នេះផងដែរបង្កឲ្យមានកាលវេលាម៉ោង១រំលងអាធ្រាត្រថ្ងៃទី១១ខែកញ្ញាឆ្នាំ២០២៤ស្ថិតនៅតាមបណ្ដោយផ្លូវសហព័ន្ធរុស្ស៊ីត្រង់ចំណុចស្តុបតាកន ភូមិព្រៃជីសាក់សង្កាត់ចោមចៅ៣ខណ្ឌពោធិ៍សែនជ័យ ។
ប្រភពបានឲ្យដឹងថា មុនពេលកេីតគេឃើញជនរងគ្រោះខាងម៉ូតូហុងដាឌ្រីមសង់២០១៥ពណ៌ខ្មៅពាក់ស្លាកលេខកំពង់ចាម1N-9547ជិះឌុបគ្នាចេញពីកន្លែងផឹកស៊ីជាប់របងប្រលានយន្តហោះអន្តរជាតិភ្នំពេញធ្វើដំណើរឆ្លងផ្លូវពីរកេីតទៅលិចបានបន្តិចក៏ត្រូវបានម៉ូតូម៉ាកហុងដាឌ្រីម២០២៤ពណ៌ខ្មៅពាក់ស្លាកលេខភ្នំពេញ1KM-8447 ជិះមានពីរនាក់ដូចគ្នាក្នុងអត្ថភាពផ្លូវស្របពីត្បូងទៅជើងក្នុងល្បឿនលឿនបុកម៉ូតូឆ្លងផ្លូវពេញទំហឹងបណ្ដាលឲ្យដួលខ្ទៀតអូសជាច្រើនម៉ែត្រខាងម៉ូតូឆ្លងរបួសធ្ងន់ម្នាក់ស្រាលម្នាក់ ចំណែកខាងម៉ូតូជិះត្រង់វិញរងរបួសធ្ងន់ទាំងពីរត្រូវពលរដ្ឋលេីកលេីម៉ូតូកង់បីឥណ្ឌាដឹកយកទៅសង្គ្រោះបន្ទាន់ភ្លាមៗ។ ក្រោយមកជនរងគ្រោះម្នាក់ទៀតដែលសន្លប់ស្ដូកស្ដឹងនោះត្រូវខាងរថយន្ត៧១១កងពលតូចលេខ៧០ដឹកជញ្ជូនយកទៅសង្គ្រោះបន្ទាន់នៅមន្ទីរពេទ្យលោកសង្ឃបន្តបន្ទាប់គ្នា ។
ក្រោយពេលកេីតហេតុម៉ូតូគ្រោះថ្នាក់ចរាចរណ៍ទាំងពីរគ្រឿងខាងលេីត្រូវបាននគរបាលមូលដ្ឋានបាញ់ថ្នាំយកទៅរក្សាទុកនៅប៉ុស្តិ៍បណ្បណ្ដោះអាសន្នរង់ចាំជំនាញចុះវាស់វែងតាមក្រោយបន្ត ៕
