ទីក្រុងសេអ៊ូល៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងថា៖ សម្ដេចមានសេចក្ដីសោមនស្សរីករាយក្រៃលែង ដែលទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព » ពីសាកលវិទ្យាល័យដុងហ្គុកវ៉ាយស៍ ខណៈសម្ដេចបានចាត់ទុកការទទួលបានសញ្ញាបត្របណ្ឌិតនេះ គឺបានបង្ហាញពីការលះបង់របស់សម្ដេចក្នុងការតស៊ូរំដោះប្រទេសជាតិពីរបបប្រល័យពូជសាសន៍ និងស្វែងរកសុខសន្ដិភាពរហូតមកដល់បច្ចុប្បន្ននេះ។
ការថ្លែងបែបនេះរបស់សម្ដេចតេជោ ហ៊ុន សែន នាឱកាសអញ្ជើញទទួលសញ្ញាបត្របណ្ឌិតកិត្តិយស « ភាពជាអ្នកដឹកនាំ និងការកសាងសន្តិភាព » ពីសាកលវិទ្យាល័យដុងហ្គុកវ៉ាយស៍ (Dongguk University WISE) ខេត្តឃ្យុងសាងបុកដូ សាធារណរដ្ឋកូរ៉េ នាព្រឹកថ្ងៃទី១២ ខែកញ្ញា ឆ្នាំ២០២៤នេះ៕ដោយ៖តារា
