ខេត្តកណ្តាល៖ បុរសម្នាក់បានរងរបួសធ្ងន់ និង២នាក់ទៀតរងរបួសស្រាល ដោយសារម៉ូតូបុកម៉ូតូនៅស្រុកកៀនស្វាយ កាលវេលាម៉ោង៧ព្រឹកថ្ងៃទី៦ ខែសីហា ឆ្នាំ២០១៦ ត្រង់ចំណុចចន្លោះគីឡូម៉ែត្រលេខ៣៨-៣៩ ស្ថិតក្នុងភូមិជ្រោយដង ឃុំសំរោងធំ ស្រុកកៀនស្វាយ ខេត្តកណ្តាល។

តាមពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុមានម៉ូតូ១គ្រៀងម៉ាកហុងដាឌ្រីម សេ១២៣ ពណ៌ខ្មៅ ស្លាកលេខភ្នំពេញ1BB-7165 បើកបរដោយឈ្មោះនន់ អេង ភេទប្រុស អាយុ៥៦ឆ្នាំ មានទីលំនៅភូមិជ្រោយដង ឃុំសំរោងធំ ស្រុកកៀនស្វាយ ខេត្តកណ្ដាល បើកបរតាមបណ្តោយផ្លូវជាតិលេខ១ ក្នុងទិសដៅពីលិចទៅកើត លុះមកដល់ចំណុចកើតហេតុក៏បានឆ្លងថ្នល់ ខណៈនោះស្រាប់តែម៉ូតូម៉ាកវេវអេស ពណ៌ខ្មៅ ពាក់ស្លាកលេខព្រៃវែង1F-1364 ជិះគ្នា២នាក់ ទី១-ឈ្មោះសឿន ចិត្ត ភេទប្រុសអាយុ២៦ឆ្នាំ មានទីលំនៅភូមិទ្រា ឃុំសេនារាជ្រ ឧត្ដម ព្រះស្ដេច ខេត្តព្រៃែវង និងទី២-ឈ្មោះឃុតធីតា ភេទស្រី អាយុ២២ឆ្នាំ មុខរបរកសិករ មានទីលំនៅភូមិតាពូង ឃុំជ័យកំពក ស្រុកព្រះស្ដេច ខេត្តព្រៃវែង បើកបរពីភ្នំពេញទៅអ្នកលឿងក្នុងល្បឿនលឿនល្មមមកដល់ហ្វ្រាំងមិនទាន់ជ្រុកបុកតែពេញទំហឹងតែម្តង បណ្តាលឲ្យម្ចាស់ម៉ូតូហុងដារងរបួសធ្ងន់ ចំណែកម្ចាស់ម៉ូតូហុងដាវេវ របួសស្រាល។

បច្ចុប្បន្នសមត្ថកិច្ចបានហៅរថយន្តសង្គ្រោះដឹកជនរងគ្រោះបញ្ជូនទៅមន្ទីរពេទ្យភ្នំពេញ រីឯម៉ូតូម៉ូតូទាំង២គ្រៀងសមត្ថកិច្ចយកទៅរក្សាទុក រង់ចាំដោះស្រាយគ្នាតាមច្បាប់៕

ដោយ៖ សុវណ្ណារ៉ា