នារីម្នាក់បេីករថយន្តតូយ៉ូតាព្រុសជ្រុលទៅបុកនិងរថយន្ត២គ្រឿងរងការខូចខាត

ចែករំលែក៖

ភ្នំពេញ៖នារីម្នាក់បេីករថយន្តtoyota priusខ្វះការប្រុងប្រយ័ត្នក៏ជ្រុលទៅបុកនិងរថយន្តford raptor ហើយខ្ទាតទៅប៉ះនឹងរថយន្តlexus មួយគ្រឿងទៀតរងការខូចខាត ។

ហេតុការណ៍នេះដែរបានកើតឡើងនៅវេលាម៉ោង៨យប់ថ្ងៃទី២០ខែតុលាឆ្នាំ២០២៤ចំនុចម្តុំវត្តមហាមន្ត្រីផ្លូវ១៦៣កែងផ្លូវព្រះសីហនុ សង្កាត់អូឡាំពិក ខណ្ឌបឹងកេងកង ។

តាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញនារីម្នាក់បានបេីករថយន្តម៉ាកtoyota prius ពណ៌ស ពាក់ស្លាកលេខ ភ្នំពេញ 2BB 9052 ទេីបនិងទិញបានបេីកធ្វើដំណើរតាមបណ្ដោយផ្លូវ១៦៣ទិសដៅពី ជើងទៅត្បូង លុះមកដល់ចំណុចកេីតហេតុ ស្រាប់តែរថយន្តស្ទុះរេចង្កូតជ្រុលទៅបុកនិងរថយន្ត ford raptor ពណ៌ខ្មៅ ពាក់ស្លាកលេខ ភ្នំពេញ 2BD 0927 ដែលបេីកដោយបុរសម្នាក់ក្នុងទិសដៅបញ្ច្រាសគ្នា បណ្តាលឲ្យរងការខូចខាតផ្នែកខាងមុខយ៉ាងខាងស្ដាំ ហើយភ្លាមៗនោះរថយន្តtoyota priusបានខ្ទាតទៅប៉ះនឹងរថយន្តlexus CT200hមួយគ្រឿងបណ្តាលអោយរថយន្តlexusខូចខាតផ្នែកខាងក្រោយចំហៀងឆ្វេងតិចតួច ចំណែករថយន្តtoyota prius រងការខូចខាតផ្នែកខាងមុខ តែសំណាងល្អក្នុងហេតុការណ៍នេះមិនគ្រោះថ្នាក់ដល់មនុស្សដែលក្នុងរថយន្តទាំងអស់ ។