ភ្នំពេញ៖នារី២នាក់ជិះម៉ូតូZOOMER Xលឿនខ្វះការប្រុងប្រយ័ត្នក៍ជ្រុលទៅបុកនិងស្ត្រីម្នាក់កំពុងដើរឆ្លងផ្លូវបណ្ដាលឲ្យរងរបួសធ្ងន់ស្រាល៣នាក់ ។
ហេតុការណ៍នេះបានកើតឡើងនៅវេលាម៉ោង៨និង៣០នាទីយប់ថ្ងៃទី២០ខែតុលាឆ្នាំ២០២៤ជិតស្តុបចំការមន ផ្លូវម៉ៅសេទុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពពីទីតាំងកេីតហេតុ បានឲ្យដឹងថាមុនពេលកេីតហេតុ គេបានឃើញស្ត្រីម្នាក់បានដេីរឆ្លងកត់ទទឹងផ្លូវ ម៉ៅសេទុងទិសដៅពីជើងទៅត្បូង លុះមកដល់ចំណុចកេីតហេតុ ស្រាប់តែមាននារី២បានជិះម៉ូតូម៉ាកZOOMER X ពណ៌ស ពាក់ស្លាកលេខ ភ្នំពេញ 1NG8805 បានជិះបោះពួយតាមបណ្ដោយផ្លូវម៉ៅសេទុងទិសដៅពីលិចទៅកេីត ល្បឿនលឿនខ្វះការប្រុងប្រយ័ត្នក៏ជ្រុលទៅបុកនិងស្ត្រីដែលកំពុងដើរឆ្លងផ្លូវយ៉ាងពេញទំហឹង បណ្ដាលឲ្យស្ត្រីដេីរឆ្លងផ្លូវសន្លប់ស្ដូកស្ដឹងត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យ ។
ដោយឡែកខាងម៉ូតូវិញ នារីជាអ្នកបេីកម៉ូតូរងរបួសធ្ងន់ចំនែកអ្នកអង្គុយខាងក្រោយរងស្រាល ហើយភ្លាមៗនោះអ្នករងរបួសធ្ងន់ត្រូវបានគ្នីគ្នាដឹកតាមម៉ូតូយកទៅមន្ទីរពេទ្យដូចគ្នា ។
ក្រោយកេីតហេតុនៅសល់ម៉ូតូត្រូវសមត្ថកិច្ចយកទៅរក្សាទុកនៅផ្នែកជំនាញដេីម្បីរងចាំដំណោះស្រាយ ៕ដោយ៖សុខាសែនជ័យ
