ភ្នំពេញ៖ កម្លាំងក្រុមល្បាតរបស់អធិការដ្ឋាន និងកងអន្តរាគមន៍ពិសេសខណ្ឌទួលគោក បានធ្វើការឃាត់ខ្លួនជនសង្ស័យ៧នាក់ កាលពីវេលាម៉ោង១១និង៣៥នាទីយប់នៅថ្ងៃទី៨ ខែសីហា ឆ្នាំ២០១៦ ស្ថិតនៅចំណុចប្លុករោងចក្រឆ្នាំង ផ្លូវរថភ្លើង  ក្រុមទី៥៥ ភូមិ១៤
សង្កាត់បឹងកក់១ និងប្លុករោងចក្រកឆ្នាំងដែរ ផ្លូវរថភ្លើងក្រុម១០៦ ភូមិ២៣ សង្កាត់បឹងកក់២ ខណ្ឌទួលគោក រាជធានីភ្នំពេញ ។

តាមប្រភពព័ត៌មានពីនគរបាលខណ្ឌទួលគោក បានឲ្យដឹងថា ជនសង្ស័យ៧នាក់ដែលឃាត់ខ្លួននោះទី១-ឈ្មោះ កង សាវឿន ភេទប្រុស
អាយុ៣៧ឆ្នាំ មុខរបរមិនពិតពិតប្រាកដ ស្នាក់នៅផ្ទះលេខ៣៧ផ្លូវ៣១៧ ភូមិ៥ សង្កាត់បឹងកក់២ ខណ្ឌទួលគោក ដកហូតគ្រឿងញៀនបាន២ថង់តូច(ជួញដូរ) ទី២-ឈ្មោះលី រ៉ន ភេទប្រុស អាយុ៤៦ឆ្នាំ មុខរបរមិនពិតប្រាកដស្នាក់នៅផ្ទះជួល ផ្លូវរថភ្លើង សង្កាត់ស្រះចក ខណ្ឌដូនពេញ(ជួញដូរ) ទី៣-ឈ្មោះកំ ពិសិដ្ឋ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវបេតុង សង្កាត់ឫស្សីកែវ ខណ្ឌឫស្សីកែវ(ជួញដូរ) ទី៤-ឈ្មោះសាន រដ្ឋា ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវបេតុង សង្កាត់ឫស្សីកែវ ខណ្ឌឫស្សីកែវ(ជួញដូរ) ទី៥-ឈ្មោះឌឹម ចំណាប់ ភេទប្រុស អាយុ៣១ឆ្នាំ មុខរបរបុគ្គលិកក្រុមហ៊ុនលក់ជីកសិកម្ម ស្នាក់នៅផ្ទះមិនចាំលេខ ភូមិក្រោលគោ សង្កាត់គីឡូត៏ម៉ែត្រលេខ៦ ខណ្ឌឫស្សីកែវ ដកហូតគ្រឿងញៀនបាន៩ថង់តូច(ជួញដូរ) ទី៦-ឈ្មោះឡុង  សុភី ភេទប្រុស
អាយុ១២ឆ្នាំ មុខរបរមិនពិតប្រាកដ ស្នាក់នៅផ្ទះលេខ២៥ ផ្លូវរថភ្លើង សង្កាត់ស្រះចក ខណ្ឌដូនពេញ(ជួញដូរ) និងទី៧-ឈ្មោះជួង លីវលី ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅភូមិពោធិ៍រលំ ឃុំរកាកោង ស្រុកមុខកំពូល ខេត្តកណ្តាល ដកហូតគ្រឿងញៀនបានចំនួន៣ថង់តូច(រក្សាទុក) ។

បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅប៉ុស្តិ៍អធិការដ្ឋាននគរបាលខណ្ឌទួលគោក ដើម្បីកសាងសំណុំរឿងចាត់ការតាមនីតិវិធី៕

ដោយ៖ ស ដារ៉ា