​ ភ្នំពេញ៖ រន្ធត់ណាស់! យុវជន២នាក់ស្លាប់ម្នាក់និងរងរបួសធ្ងន់ម្នាក់ ខណះពេលជិះម៉ូតូឌុបគ្នាចេញពីធ្វើការត្រឡាប់ទៅផ្ទះវិញស្របពេលមេឃកំពុងធ្លាក់ភ្លៀងត្រូវរថយន្ដមិនស្គាល់ម៉ាកបុកពីក្រោយរុញទៅខ្ទប់ជាមួយរថយន្ដខាងមុខដែលនៅចាំភ្លើងស្កុប ឯរថយន្ដបង្ករត់គេចបាត់ស្រមោល ។ ហេតុការណ៍គ្រោះថ្នាក់ចរាចរណ៍ខាងលើនេះ បង្កការភ្ញាក់ផ្អើលកាលពីវេលាម៉ោង ១០ យប់និង០០នាទី ត្រូវថ្ងៃទី០២ ខែវិច្ឆិកា ឆ្នាំ២០២៤ ស្ថិតតាមបណ្ដោយផ្លូវជាតិ៦អា ត្រង់ចំនុចភ្លើងស្កុប ក្នុងសង្កាត់ព្រែកលៀប ខណ្ឌជ្រោយចង្វារ ។

ជនរងគ្រោះដែលស្លាប់មានឈ្មោះ ចាន់រ៉ា ភេទប្រុស អាយុ១៧ ឆ្នាំ មុខរបរជាងតទឹកតភ្លើង ទីតាំងស្រុកកំណើតរស់នៅក្នុងភូមិស្រុកកប្បាស ខេត្តកំពង់ឆ្នាំង។ បច្ចុប្បន្នរស់នៅម្ដុំលូប្រាំ ស្នាក់នៅបន្ទប់ជួល។

យោងតាមប្រភពព័ត៌មានពីកន្លែងកើតហេតុបានប្រាប់អោយដឹងថាឃើញមានយុវជន២នាក់បានជិះម៉ូតូម៉ាកហុងដាសង់ឌ្រីមស៊េរី២០១៣ ពណ៌ខ្មៅពាក់ផ្លាកលេខភ្នំពេញ 1BQ. 9521 បានឌុបគ្នាចេញពីធ្វើការនៅក្នុងបុរីមេគង់លែនដើម្បីត្រឡាប់ទៅផ្ទះម្ដុំលូប្រាំ ធ្វើដំណើរតាមបណ្ដោយផ្លូវជាតិ៦អា ទិសដៅពីជើងមកត្បូងក្នុងល្បឿនមធ្យមស្របពេលមេឃកំពុងធ្លាក់ភ្លៀងផងដែរ លុះធ្វើដំណើរដល់ចំនុចកើតហេតុខាងលើ ក៏បានបង្អង់ម៉ូតូរៀបនិងឈប់រង់ចាំភ្លើងស្តុប ខណៈពេលនោះក៍មានរថយន្ដមិនស្គាល់ម៉ាកមួយគ្រឿងបានធ្វើដំណើរតាមក្រោយទិសដៅពីជើងមកត្បូងក្នុងល្បឿនលឿន ក៍រេចង្កូតមកបុកម៉ូតូជនរងគ្រោះពីក្រោយពេញទំហឹងបណ្ដាលអោយម៉ូតូរុញទៅខ្ទប់និងរថយន្ដមួយគ្រឿងទៀតម៉ាកតូយ៉ូតា HiLUX ពណ៌ស ពាក់ផ្លាកលេខភ្នំពេញ2BT. 0089 ដែលឈប់រងចាំភ្លើងស្កុបបណ្ដាលអោយយុវជន២នាក់ស្លាប់ម្នាក់ដែលជិះនៅខាងក្រោយ និងម្នាក់ទៀតអ្នកឌុបរងរបួសធ្ងន់ ត្រូវបានរថយន្ដសាមុយដឹកទៅសង្គ្រោះនៅមន្ទីពេទ្យភ្លាម។ ចំណែករថយន្ដបង្កបានបើករត់គេចចេញពីកន្លែងកើតហេតុបាត់ស្រមោល ។ ចំណែករថយន្ដបង្កសមត្ថកិច្ចកំពុងធ្វើការស្រោវជ្រាវនិងពិនិត្យមើលកាមមេរ៉ាសុវត្តិភាពដើម្បីនាំខ្លួនអ្នកដែលបង្កមកចូលខ្លួនដោះស្រាយតាមផ្លូវច្បាប់។

ក្រោយពេលកើតហេតុសមត្ថកិច្ចមូលដ្ឋានបានចុះដល់ចំនុចកើតហេតុទាក់ទងខាងសមត្ថកុច្ចជំនាញចរាចរ ធ្វើការវាលវែងយករថយន្ដខាងលើនិងម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ ។ចំណែកសពត្រូវបានសមត្ថកិច្ចធ្វើកំណត់ហេតុរួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕

ដោយ​ ៖​ ភារ៉ា​ ដង្កោ